2023 Day 193

2023 Dedh Cans Pajar Ügens ha Terdhek

De Merher, dewdhegves mis Gorefen

Wednesday, 12th July

Dedh Deg gen clün nowydh ha my ell kerdhes oll adro dhe'n gegin, an basfry, an stevel sedha, ow chambour bian (ow sodhva), an attesva ha'n losowjy. Na wrüga vy crambla an degre, bes my wrüg kerdhes e'n vôwnder. My a veu lôwen gen howlsplan war ow bejeth.

Day Ten with a new hip and I can walk all around the kitchen, the hall, the sitting room, my little bedroom (my office), the toilet and the conservatory. I have not climbed the stairs, but I have walked in the lane. I was happy with sunshine on my face.

2023 Day 192

2023 Dedh Cans Pajar Ügens ha Dewdhek

De Meurth, udnegves mis Gorefen

Tuesday, 11^th July

Pe le ma ow ympydnyon hedhyw? Nag ujy traveth owth obery! Na ellama redya, na ellama scrifa, na ellama rekna. Pe le ma ow awen? Martesen avorow, wòja còsk moy.

Where is my brain today? Nothing works! I can't read, I can't write, I can't do sums. Where is my inspiration? Perhaps tomorrow, after more sleep.

2023 Day 191

 2023 Dedh Cans Pajar Ügens hag Üdnek

De Lün, degves mis Gorefen

Monday, 10^th July

Nanj ew üdn seythen thera vy en clojy. Lebmyn otta vy en chei. My eth ha dos tre en ambulans. Na wruga vy codha war ow fedn, saw whath tho vy nebes sogh.   

One week ago I was in hospital. Now here I am at home. I went and came home in an ambulance. I didn't fall on my head but I am still a bit dimwitted.

2023 Day 190

 2023 Dedh Cans Pajar Ügens ha Deg

De Sül, nawes mis Gorefen

Sunday, 9^th July

Pandr'ew an sonyow whei ell clowes en clojy? Ma lies lev. "Pe le ma an payn? Fatel wrügo whei gwil hedna? Üjy va ow hurtya òbma?" emedh an vedhogyon. "My a godhas. My a wras cabm gocky," emedh an glevyon. E'n nos ma," Clojiores! Gwra gweres dhebm!" 

What are the sounds you can hear in a hospital? There are many voices. "Where is the pain? How did you do that? Does it hurt here?" say the doctors. "I fell. I made a silly mistake," say the patients. In the night there is, "Nurse! Help me!"

2023 Day 189

2023 Dedh Cans Pajar Ügens ha Naw

De Sadorn, ethves mis Gorefen

Saturday, 8^th July

Pe injurys ew gwelys en Diberthva Droglabmow? Ma lies eskern sqwachys ha juntys discavylsys. Ma dhe radn an bobel juntys nowydh - scoodh, clün pòken glin.

Which injuries are seen in a Trauma Ward? There are many broken bones and dislocated joints. Some people have new joints – either a shoulder, a hip or a knee.

2023 Day 188

 Dedh Cans Pajar Ügens hag Eth

De Gwener, seythves mis Gorefen

Friday, 7^th July

Skith o vy. Na wrüga vy gwil traveth hedhyw, bes hemm ew skithüs. Ma dhebm lies fysek rag ow paynys, etho ma whans dhebm a gòsca oll an termyn.

I am tired. I didn't do anything today, but that is tiring. I have lots of medicines for my pains, so I want to sleep all the time.

2023 Day 187

2023 Dedh Cans Pajar Ügens ha Seyth

De Yow, wheffes mis Gorefen

Thursday, 6^th July

Fatel ew an bownans en clojy? Dar! Bownans kebmyn ew astellys. Thera vy en stevel bian gen pemp benyn goth moy. Nei ell wherthin, kenth o nei en paynys. Na veu dhe nagonan hager droglam car. Na veu dhe geniver onan bes meschons gòcky – eskern sqwachys o an diwedh. Ma dhebm clün vetol nowydh ha lies brow.

How is life in hospital? Well! Ordinary life is suspended. I am in a small room with five more old women. We can laugh, although we are in pain. Nobody had a bad car accident. Everyone just had a silly mishap – broken bones were the result. I have a new metal hip and lots of bruises.