2026 Day 34

 2026 Dedh Peswardhek warn Ügens

De Meurth, tryja mis Whevrel

Tuesday, 3rd February

Wòja visyt dhe'm opticyanes, skith o vy. Da via genam bos sedhys ha mires orth bòdny a gewny teg. En gwelha pres, my ell y weles heb gwedrow! Thew pecar'a coos münys.

After a visit to my optician, I am tired. I'd like to be seated and look at a clump of beautiful lichen. Fortunately, I can see it without glasses! It's like a miniature wood.

2026 Day 33

2026 Dedh Terdhek warn Ügens

De Lün, nessa mis Whevrel
Monday, 2nd February

Degol Maria an Cantollyow lowen dhewgh. 

Gellys solabres ew kensa mis a'n vledhen ma. Otta nei e'n nessa mis. E veu dew bedn-bloodh telylû dhebm e'n mis tremenys, hag e vedh pajar pedn-bloodh teylû e'n mis ma. Gellys, tryja mis Genver, ew kensa loor leun a'n vledhen, Loor Bleydh. Nehewer nei a welas nessa loor leun a'n vledhen, Loor Ergh. (Saw nag eus ergh òbma!)

 

Happy Candlemas to you! The first month of this year has already gone. Here we are in the second month. I had two family birthdays in the past month, and there will be four family birthdays in this month. Gone, on January 3rd, is the first full moon of the year, Wolf Moon. Last night we saw the second full moon of the year, Snow Moon. (Though there is no snow here!)

2026 Day 32

2026 Dedh Dogens warn Ügens

De Sül, kensa mis Whevrel
Sunday, 1st February

Thera dhebm dedh pur vesy hedhyw, gans ow mab wydn. Da ew dhodho art, payntya, pryntya ha tedna. My a gavas lehen goth terrys ha canfas coth brâs. Pe payntys ew vas rag lehednow ha canfas? Na vedn dowrliwyow glena ortans. Liwyow oyl ha liwyow alkyd ew re fierüs. Re syger en jei dhe seha. Scübylednow paynt ew re galish dhe wòlhy. Etho, nag ew an payntys ma vas rag maw bian nag ew bes seyth bloodh. Acrylik ew an gorthyp, gen scübylen vrâs (hake) ha scübylednow bian, ha rolyer ha nebes delkyow. Nei a wras olow an delkyow war an lehen. An canfas lebmyn ew ebòrn ha menedh gen üdn wedhen.  Ma nebes "sgraffito" ewedh.

I had a very busy day today, with my young grandson. He likes art, painting, printing and drawing. I found an broken old roof slate and a big old canvas. Which paints are suitable for slates and canvas? Watercolours will not cling to them. Oil colours and alkyd colours are too smelly. They are too slow to dry. Paint brushes are too difficult to wash. So, these paints are not suitable for a small boy who is only seven years old. Acrylic is the answer, with a big brush (a hake) and little brushes, and a roller and a few leaves. We made impressions of the leaves on the slate. The canvas now is a sky and a mountain with one tree. There is some "sgraffito" too.