2023 Day 304

2023 Dedh Trei Hans ha Pajar

De Meurth, üdnegves warn ügens mis Hedra

Tuesday, 31st October

Ma dowr lowr rag an lydn ha'n gover. Glebor ew da gen fungi ewedh. Mons ow tevy en gweres gleb ha predn poder. Da ew ganjans lig. Ellowgh whei desernya fungi deffrans? Na worama lies hanow en Sowsnek, ha nag eus bes "scavel gronek" en Kernowek. Pana scavellow cronek a ell bos debrys? Radn an re ma ew debrys gen bestes bian. Bes my a's perna en gorvarhas, na wrüga vy besca aga huntel e'n gwylfos.

There's enough water for the pond and the stream. Fungi like dampness too. They grow in damp soil and rotten wood. They like compost. Can you identify different fungi? I don't know many names in English, and there's only "toadstool" in Cornish. Which mushrooms are edible? Some of these are eaten by little animals. But I buy them from a supermarket, I've never collected them in the wild.

2023 Day 303

2023 Dedh Trei Hans ha Trei

De Lun, degves warn ugens mis Hedra

Monday, 30th October

Ma cloudys gwydn e'n eborn drefen bos an loor mar spladn. My ell gweles planet golow ewedh. Nag ew an nos cosel, ke nag eus gwens. Ma loor leun, rag hedna ma mortid brâs. Saw trig ew ha na ellama clowes todnow. Pandr'ew an tros? My ell clowes lies carr. Ma degeans an vorr vrâs (A30) ha ma'n daromres oll ow sewya treylyans a'n vorr ogas dhe obma (A3075).

There are white clouds in the sky because the moon is so bright. I can see a bright planet too. The night is not quiet, though there is no wind. There is a full moon, therefore there is a spring tide. But the tide is out and I cannot hear waves. What is the noise? I can hear a lot of cars. There's closure of the main road (A30) and all the traffic is following a diversion near here (A3075).

2023 Day 302

2023 Dedh Trei Hans ha Dew

De Sul, nawes warn ugens mis Hedra

Sunday, 29th October

My a gar ow flehes wydn, ha my a gar keun, bes anjei ell bos whel calish dhe dhidhana, mebyon yonk ha kelyn dres ehen. Ma dhodhans kebmys nerth! Bettegens, termyn mons warbarth, anjei ell didhana an eyl y gila. Da ew gen an maw towla pel ha da ew gen an kei helhy pel - kesûnyans da. Anjei ell ponya an dhew. E'n kettermyn ma'n kei coth ha'n cathes ow qwitha aga felder. Nag ew da ganjans na mebyon yonk na kelyn.

I love my grandchildren, and I love dogs, but they can be hard work to entertain, especially young boys and puppies. They have so much energy! However, when they are together, they can entertain one another. The boy likes throwing a ball and the dog likes chasing a ball - a good combination. They can both run. Meanwhile, the old dog and the cats keep their distance. They do not like young boys nor puppies.

2023 Day 301

2023 Dedh Trei Hans ha Wonan

De Sadorn, ethves warn ugens mis Hedra

Saturday, 28th October

O whei helhor? Haneth en nos ma loor leun ragowgh, Loor Helhoryon Leun. Nag o vy helhores. Pe bestes predh ew helhys gen lòrgan? My a welas an loor ow terevel nehewer dres an menedh. Còsel o an gordhûher, a-der oula e'n coos.

Are you a hunter? Tonight there is a full moon for you, a Full Hunters' Moon. I am not a hunter. What prey animals are hunted by moonlight? I saw the moon rising last night over the hill. The evening was quiet, apart from an owl in the wood.

2023 Day 300

2023 Dedh Trei Hans

De Gwener, seythves warn ügens mis Hedra

Friday, 27th October

Da lowr! My a viras war tûa'n est ha gweles eborn blou. Etho my a gerras (gerdhas) mes. Nena my a wrüg mires tûa noor, ha'n mor ha'n eborn o glas, maga loos avel lüjiw. En scon my a welas an glaw ow tos dres an tewednow (tewenyow). Res veu dhebm festyna tre en üskis. Saw wostiwedh ma dowr e'n gover bian.

OK! I looked towards the east and saw blue sky. So I walked out. Then I looked northward, and the sea and sky were grey, grey as ashes. Soon I saw the rain coming over the dunes. I had to hurry home quickly. But at last there is water in the little stream.

2023 Day 299

2023 Dedh Dew Cans Pajar Ugens ha Nawnjek

De Yow, wheffes warn ugens mis Hedra

Thursday, 26th October

Taclow a godh! Nei a whel glaw, ergh ha kesar codha dhort cloudys keweresys gen gravedh. Gwedh a godh. Terweythow an reson ew gwens ha glaw. An wedhen ma ew war Vorr an Sans. Ma del ow talla codha lebmyn, saw nag ew oll an del marow whath. Ma nebes delkyow ow clena ort aga gwedh - terebo an nessa gwens. Saw na wrug an gwens sqwattya dor an post-sin ma. (Na ellama trouvya ow foto!) Kevys war an diwedh.

Things fall! We see rain, snow and hail falling from clouds - aided by gravity. Trees fall. Sometimes the reason is wind and rain. This tree is on the Saint's Trail. Leaves are starting to fall now, but the leaves are not all dead yet. Some leaves are clinging to their trees - until the next wind. But the wind did not knock down this signpost. (I can't find my photo!) Found at last.

2023 Day 298

2023 Dedh Dew Cans Pajar Ügens ha Etek

De Merher, pempes warn ugens mis Hedra

Wednesday, 25th October

My a verkyas stullyow en Ewny Redrudh war nebes treven coth ogas dhe'n savla tren ha savla kyttrin. Pandr'ew an whel; mendyans po amendyans? Na dal an treven coth bos diswres - thens storek. En telher aral, chei coth bian a veu diswres ha otta chei brâssa arnowydh et y le. Nag ewa gorfednys whath. An stullyow ew bian, bes an dus whel ell crambla dhe'n to. Da ew gen ow mebyon wydn crambla, etho ma derevyans nowydh dhodhans gwres gen aga thas e'n lowarth.

I noticed scaffolding in Redruth on several old buildings near the railway station and bus stop. What is the work; repair or improvement? The old buildings should not be demolished - they're historic. In another place a little old house was demolished and here's a bigger modern house in its place. It's not finished yet. The scaffolding is small, but the workmen can climb to the roof. My grandsons like climbing, so they have a new construction made by their father in the garden.

2023 Day 297

 2023 Dedh Dew Cans Pajar Ugens ha Seytek

De Meurth, pajwora warn ugens mis Hedra

Tuesday, 24th October

Nag o an gewer pur dha hedhyw, bettegens jorna spladn o raga vy. My a welas ow noyth (nith) e'n chei agan mab en Penrynn. Ma degòlyow dhedhy ha ma hei owth ostya gen còthmans en Porth Leven. Ma Penrynn tredh Porth Leven ha Peran Treth. Benyn hir ew hei - po martesen my a wrug treylya berra! Ow eskern ew nebes medhal.

The weather was not very good today, however it was a splendid day for me. I saw my niece at my son's house in Penryn. She's on holiday and she's staying with friends in Porthleven. Penryn is between Porthleven and Perranzabuloe. She's a tall woman - or perhaps I've got shorter! My bones are a bit soft.

2023 Day 296

2023 Dedh Dew Cans Pajar Ugens ha Whetek

De Lun, tryja warn ugens mis Hedra

Monday, 23rd October

My a welas an loor. E veu loor derevel (drehevel). Ew hei loor leun?  Pur vras ew hei, saw an eborn ew comolek ha nag eus dhedhy min cler. En gwir etta, haneth en nos thew an kensa qwatron tro an loor. An nessa loor leun a vedh moy diwedhes e'n mis. Na ellen nei gweles bes hanter an loor lebmyn. Hedhyw thew dedh treylyans ewedh, ma'n Scorpyon ow tallath. Gellys ew an Vantol.

I saw the moon. It was moonrise. Is it a full moon? It is very big, but the sky is cloudy and it does not have a clear edge. Actually, tonight is the first quarter of the moon's cycle. The next full moon will be later in the month. We can see only half of the moon now. Today is also a day of change, Scorpio begins. Libra is gone.

2023 Day 295

2023 Dedh Dew Cans Pajar Ugens ha Pemdhek

De Sul, nessa warn ugens mis Hedra

Sunday, 22nd October

Whath na ellen nei usya an gist letherow ma - nei ell gweles lies gwenenen vian ow neyja oll adro - martesen ma neyth. My a gerdhas en ogas dhedhy gen an maw bian ha'n kei - dhe vetya gen ow mergh wydn. An sesons ew kemyskys - an del coth ew whath war lies gwedhen bes ma solabres eythin nowydh war an menedh.

We still can't use this letterbox - we can see lots of little bees flying all around - perhaps there's a nest. I walked near it with the little boy and the dog - to meet my granddaughter. The seasons are muddled - the old leaves are still on many trees but there is already new gorse on the hill.

2023 Day 294

 2023 Dedh Dew Cans Pajar Ügens ha Peswardhek

De Sadorn, kensa warn ugens mis Hedra

Saturday, 21st October

Ma defra (diwvregh) tydn dhebm lebmyn. E'n dohajedh e veu dhebm pigow breghlin. Dew big breghlin, an eyl e'n vregh gledh rag flou ha y gila e'n vregh dhyhow rag Covid. Ma'n vedhegva reb an mor, ha lowen o nei dhe mos ena, ha woja hedna dhe'n park gen agan mergh ha hy mab wydn.

I have a pair of sore arms now. In the afternoon I had vaccinations. Two vaccinations, one in the left arm for flu and the other in the right arm for Covid. The surgery is by the sea and we were happy to go there, and after that to the park with our daughter and her grandson.

2023 Day 293

2023 Dedh Dew Cans Pajar Ügens ha Terdhek

De Gwener, ügensves mis Hedra

Friday, 20th October

Thera othom dhen arta a whel electrek. Thera prichell wòlow heb sekerder - thera neujen dhigelmy enny. Üdn bolla o marow ha oll an rerol o peryl tan. Thera neuj coth dadn an bordys planchen, gen transformyers brâs ha heb neujen dhor veth. Thera whans dhebm a wòlowow nowydh - saw ha fin. Lôwen o vy lebmyn gen ow gòlowow nowydh. 

We needed electrical work done again. There was an unreliable light switch - there was a disconnected wire in it. One light bulb was dead and all the others were a fire risk. There were old wires under the floorboards - with big transformers and without any earth wire. I wanted new lights - safe and smart. I'm happy now with my new lights.

 

2023 Day 292

2023 Dedh Dew Cans Pajar Ugens ha Dewdhek

De Yow, nawnjegves mis Hedra

Thursday, 19th October

Na veu an gohy troblys gen an gwens. Whath thens besy war an idhyowen ma. Saw na ellama gweles gwenen gwels veth hedhyw. Thera lowr anodhans kens an gwens. Nag eus odhom dhe'n gohy ha gwenen a dredan - nei a veu heb tredan teyrgweyth de - nebes grevos. My a kerdhas hedhyw gans ow hei - cosel ew an gewer lebmyn. My alja mires orth an flourys - ma flourys ha morednow warbarth war an gwedhros. Bes rag fra ma corf marow mola dhû e'n vownder? Henn ew mystry. Nag eus pedn dhedhy.

The wasps were not bothered by the wind. They are still busy on this ivy bush. But I can't see any bumble bees at all today. There were plenty of them before the wind. Wasps and bees don't need electricity - we were without electricity three times yesterday - rather annoying. I walked with my dog today - the weather is calm now. I could look at the flowers - there are flowers and berries together on the honeysuckle. But why is there a blackbird's dead body in the lane? That is a mystery. It doesn't have a head.