2024 Day 84

2024 Dedh Pajar Ügens ha Pajar

De Sül, pajwora warn ügens mis Meurth

Sunday, 24th March

De Sül Bleujyow

Palm Sunday

Newher my a welas loor spladn. Nag o hei loor leun et tien. Thera nebes cloudys, saw na re. My alja whath gweles an loor ha kemeres fotos. Hanath, ma loor leun, Loor Prev Leun, saw na ellama hy gweles. Comolek ew an eborn, ha cüdhys ew an loor leun gen cloudys. E vedh difyk an loor hanath. En Kernow, an pres a vedh loorsedhes. Rag y weles, ma othom dhebm a grambla bys en ardh ha mires tû'a an howlsedhes, pemp po whegh ar glogh e'n mettin. Na ellama gweles bes menedh teg dhort ow lowarth ha na ellama crambla. My a vedn gortos e'n gwyly.

Last night I saw a bright moon. It was not a completely full moon. There were some clouds, but not too many. I could still see the moon and take photos. Tonight, there is a full moon, Full Worm Moon", but I can't see it. The sky is cloudy, and the full moon is hidden by clouds. There will be an eclipse of the moon tonight. In Cornwall, the time will be moonset. To see it I need to climb to a high place and look westward, at five or six o'clock in the morning. I can only see a pretty hillside from my garden and I can't climb. I will stay in bed.

Deg ger rag hedhyw

ardh (f) high place

comolek cloudy cf (SWFM kommol clouds)

difyk ~ difygyans (m) eclipse

hanath tonight, this evening

loor (f) moon

loorsedhes (m) moonset cf. howlsedhes sunset

newher ~ nehewer ~ newer last night, yesterday evening (SWFM nyhewer)

pres (m) time (on clock), occasion

prev (m) worm, any legless crawling creature

tû'a an howlsedhes westward (towards the sunset)