2024 Day 120

2024 Dedh Cans hag Ügens

De Lün, nawes warn ügens mis Ebrel

Monday, 29th April

Neppeth cott hedhyw. Nag eus dhebm termyn hedhyw rag "deg ger". Nag eus bes üdn ger rag hedhyw.

Something short today. I don't have time today for "ten words". There's only one word for today.

Glas ew an mor hedhyw.

That d'mean the sea is blue

Today, my lover, that is true.

Glas o an mor de.

That d'mean the sea was grey.

And so 'twas yesterday.

Sometimes, you say, the sea is green.

If blue-grey-green is what you mean,

"Glas" is the colour that it's been. 

Bes "glas" ew oll an gwedh ha gwels.

All trees and grass are "glas" as well.

The leaves are green, "Glas" ew an del. 

2024 Day 119

2024 Dedh Cans ha Nawnjek

De Sül, ethves warn ügens mis Ebrel

Sunday, 28th April

De, na wrüga vy kerdhes pel. Gleb o an gewer. Na veu possybyl mos bys en Cambron rag Dedh Trevithick. Et y le, res veu dhebm mos dhe'n vedhegva rag pig breghlin Covid. My a welas an mor ha'n treth dhort carr ow mab. Thera meur a gwrians gwithyjy-dreth war an treth hag e'n mor - martesen anjei o en traynyans rag an hav. Hedhyw ma bregh tydn dhebm, bes teg ew an awel. My a gerdhas et agan lowarth gen lorgh dhe vires orth an flourys. My ell gweles an mor! Thew an kethsam mor avel de saw nag ewa an keth liw. An mor hedhyw ew pecar'a 'gan guckous. Ma dhen mor blou war agan menedh.

Yesterday, I didn't walk far. The weather was wet. It wasn't possible to go to Camborne for Trevithick Day. Instead, I had to go to the clinic for a Covid vaccination. I saw the sea and beach from my son's car. There was a lot of lifeguard activity on the beach and in the sea - perhaps they were in training for the summer. Today, I have a sore arm, but the weather is lovely. I walked in our garden with a walking stick, to look at the flowers. I can see the sea! It's the exact same sea as yesterday but it is not the same colour. The sea today is like our bluebells. We have a blue sea on our hillside. 

Deg ger rag hedhyw Ten words for today

bregh (f) arm

guckous bluebells (from dialect)

gwithyjy-dreth beach-guards < gwithyas-treth (m)

gwrians ~ gwrythians (m) activity, doings

kethsam ~ keth same, identical

lorgh (m/f) walking stick

medhegva (f) clinic, doctor's place

menedh ~ mena (m) hillside

pig breghlin (m) vaccination

traynyans (m) training

2024 Day 118

2024 Dedh Cans hag Etek

De Sadorn, seythves warn ügens mis Ebrel

Saturday, 27th April

E'n tavas Kernowek ma lies hanow plurel cuntellek. Rag fra? Martesen, Kernow o overdevys gen lies plans, plansow na alja bos reknys. Martesen thera bestes münys heb nòmber dhe vos comptys ow hesya dres an pow. Nei ell gwil hanow üdnek gen "-en" war lost an ger cuntellek. Ma henwyn teleryow gen plansow ha bestes a vry ettans. En 1327 thera tüs trigys en Boslogos, gen lies logojen martesen. A wrüg logos dos dhort an ryvar po an coos? A wrüg anjei debry oll aga ys?

In the Cornish language there are many collective plural nouns. Why? Perhaps, Cornwall was overgrown with many plants, plants that could not be counted. Perhaps countless little animals were swarming all over the country. We can make a singular noun with "-en" on the tail of the collective word. There are place names with significant plants and animals in them. In 1327 there were people living in a "dwelling of mice", with lots of mice perhaps. Did mice come from the river or the wood? Did they eat all their corn?

Deg ger rag hedhyw Ten words for today

a vry significant

cuntellek collective 

dres an pow all over the country

grevos troublesome

heb nòmber dhe vos comptys countless

hesa ~ hesya to swarm

logojen (f) mouse < pl. logos > Boslogos > Bosloggas PN (SWFM logosen)

overdevys overgrown < tevy to grow

reknys counted < rekna to count

üdnek singular, single, lone, individual, etc.

Otta teleryow moy gen creaturs grevos.

Here are some more places with troublesome creatures.

• gohy wasps > sing. gohien > Tregiffian (St Buryan) was in1331 Tregguhion > Treguhyon = wasp-infested farm (ha trigva an scrifer John Le Carré)
• whil beetle Trewhella was in 1357 Trewyla > Trewhila = beetle-infested farm
• gwibes gnats > sing. gwibesen or whibys gnats > sing. whiben > Lawhippet was in 1592 Lawhybbet > Nant Wibed (OC) = valley of gnats
• mòryon ants > sing. mòryonen > Mornick was in 1601 Morinicke > Moryonek = ant-infested

2024 Day 117

2024 Dedh Cans ha Seytek

De Gwener, wheffes warn ügens mis Ebrel

Friday, 26th April

Ma'n ervirans gen an Governans dhe ajon hònanieth üdnik a’n Gernôwyon ow rei dhodhans an keth gre avel poblow Keltek erel e'n Wlascor Ûnyes, an Scotyon, an Kembrion ha'n Werdhonyon. Minorites Nacyonal a dal bos moy hewel en bownans poblek ha 'jei a dal cawas moy chonsys war an wariva geswlasek. En kensa, martesen, nei a dal cawas eseleth leun a'n Consel Bretednek-Werdhonek ha corfow treus-kenedhlek erel.

The decision by the Government to recognise the unique identity of the Cornish gives them the same status as the UK’s other Celtic people, the Scots, the Welsh and the Irish. National minorities should be more visible in public life and they should get more opportunities on the international stage. First, perhaps, we should have full membership of the British-Irish Council and other trans-national bodies.

Deg ger rag hedhyw Ten words for today

ervirans (m) decision

gre (m) status, standing

gwariva (f) stage, theatre

hewel visible  (SWFM gweladow)

hònanieth (f) identity

kenedhlek national (also nacyonal)

keswlasek international (mutates k>g)

poblow peoples < pobel (f) > poblek public

üdnik unique

Wlascor Ûnyes United Kingdom (SWFM Ruvaneth Unys)

 

 

2024 Day 116

2024 Dedh Cans ha Whetek

De Yow, pempes warn ügens mis Ebrel

Thursday, 25th April

An Acord Framweyth ew kevambos keswlasek (ynternacyonal) meur y vry, a wra ragwòrra lies ambos. Emesk an ambosow ew scodhyans rag tavas ha gònisegeth, adhescans ha'n media, gwithans a diredhyow storek, ha moy. My a vedn scrifa moy avorow.

The Framework Convention is a very significant international treaty which sets out numerous obligations. Among the obligations are support for language and culture, education and the media, protection of historic territories, and more. I will write more tomorrow.

Deg ger rag hedhyw Ten words for today

adhescans(m)  education < (verb) desky

ambos(m) promise, obligation +

kev-(pfx) co-, together > kevambos(m) treaty, pact, agreement

gònisegeth (f) culture

gwithans (m) protection, maintenance 

keswlasek international

meur y vry of great significance 

ragwòrra to set out, put forward < gòrra put

scodhyans (m) support < scoodh(f) shoulder 

tiredhyow territories < tiredh (m) < tir land

2024 Day 115

 2024 Dedh Cans ha Pemdhek

De Merher, pajwora warn ügens mis Ebrel

Wednesday, 24th April

De a veu dedh a vry rag an Sowson. E veu degol aga sans tasek. Hedhyw ew dedh a vry rag an Kernôwyon. Nag ewa degol agan sans tasek (gellys ew hedna  hantercans dedh moy pò le). Martesen thewa whath moy a bris. Nanj ew deg bledhen an Governans RU a wrüg ajon Kernôwyon avel minorita nacyonal, dres Acord Framweyth Consel Europa rag Gwitha Minorites Nacyonal. Rag fra ew hebma mar a vry? Mebyon Kernow a vedn agan leverel. My a vedn scrifa moy avorow.   

Yesterday was a notable day for the English People. It was the feast day of their patron saint. Today is a significant day for the Cornish People. It is not the feast of our patron saint (that was about fifty days ago). Perhaps it is even more important. Ten years ago the UK Government recognised Cornish people as a national minority, through the Council of Europe's Framework Convention for the Protection of National Minorities. Why is this so significant? Mebyon Kernow will tell us. I will write more tomorrow.

Deg ger rag hedhyw Ten words for today

a bris important

acord (m) agreement, convention

ajon to recognise (SWFM aswon)

an Kernôwyon the Cornish People

an Sowson the English People

a vry notable, significant (SWFM a vri)

gellys gone, ago

hantercans fifty, half a hundred

moy pò le about, more or less

nanj ew ago

2024 Day 114

2024 Dedh Cans ha Peswardhek

De Meurth, tryja warn ügens mis Ebrel 

Tuesday, 23rd April

Ma edrek dhebm. Skith o vy, ha calish ew dhe scrifa ow deg ger rag hedhyw. My a dal debatya Degol Sen Jory. Ev ew sans tasek Inglond. My a dal còmpla Shakespeare. Hedhyw thera nei ow remembra genesigeth ha mernans an Bardh Avon. Bes na ellama gwil moy es còmpla anjei! Res ew dhebm cosca.

I’m sorry. I am tired, and it is hard to write my ten words for today. I should discuss Saint George’s Day. He’s the patron saint of England. I should mention Shakespeare. Today we remember the birth and death of the Bard of Avon. But I can't do more than mention them! I have to sleep.

Deg ger rag hedhyw Ten words for today

bardh (m) bard

calish hard, difficult (SWFM kales)

còmpla to mention

debatya to discuss, debate

genesigeth ~ genejigeth (f) birth

Inglond ~ Englond England (also Pow an Sowson)

ma edrek dhebm I'm sorry

mernans (m) death

sans tasek (m) patron saint

skith ~ sqwith tired

2024 Day 113

2024 Dedh Cans ha Terdhek

De Lün, nessa warn ügens mis Ebrel

Monday, 22nd April

Ew da genowgh gwariow? Da ew genam gwariow geryow ha crowseryow. Otta nebes puslow rago whei. Ma bagasow a eryow. En pub bagas ma pajar ger ow tòchya an keth mater hag üdn ger ow tòchya mater deffrans. Ello whei trouvya an ger anketh? Whei a dal godhvos nebes geryow dhort ow bloggs kens lebmyn. Martesen an pictours-ma vedn rei dhewgh nebes gorrebow rag an geryow anketh. 

Do you like games? I like word games and crosswords. Here are some puzzles for you. There are groups of words. In each group there are four words about the same subject and one word on a different topic. Can you find the alien word? You should know some words from my previous blogs. Perhaps these pictures will give you some answers for the alien words.

Deg ger rag hedhyw Ten words for today

anketh alien, foreign, different

bagasow groups < bagas (m)

crowseryow crosswords (no singular)

geryow words < ger (m)

godhvos to know

gorrebow answers < gorryp (m)

gwariow games < gwary (m)

keth same, identical

ow tòchya about, touching, on 

puslow puzzles < pusal (m)

Otta an puslow. Here are the puzzles

e.g. lever, lether, levren, lugarn, lever-termyn 

e.g. loos, rüdh, gell, gwydn, gleb  

e.g. bûgh, mergh, margh, davas, gavar  

e.g. loor, leverel, labma, lesca, livya  

e.g. eglos, tavern, leverva, scol, scath 

e.g. fordh, bôwnder, ryvar, trolergh, strêt 

e.g. pinbren, briallen, lilien, gwedhrosen, melyonen 

e.g. dehen, sugen, tesen, treven, hogen