Sunday 20 September 2020

2020 Day 264

2020 Dedh Dew Cans Trei Ügens ha Pajar

De Sül, ügensves mis Gwedngala

Sunday, 20th September

“Ma edrek genam a Henvabm, bes na ellama dos hedhyw. Ma drog torr dhe’m cowethes ha na ell hei drivya.” Tho vy tòllys, pur dhiogel. Da via genam gweles ow mergh wydn ha hy meppik wheg. Heb omweloryon, sqwithys oma. Etho, gero nei gwandra e’n gwelyow! “Na vedn nei dos warbedn jynn brâs e’n vôwnder.” Bes na veu caletter veth. Nei alja gweles cala war an dor – codhys dhort neb kert po draylyer. Ha e’n gwelyow, gellys ew oll an pusornow brâs. Nei alja kerdhes penagel vorr o da genen. Nei a viras orth an mor, an mòngleudh ha’n bal. Scon, martesen, an arrish a vedh erys.  E’n kettermyn, ma mor dû.

“I’m sorry Granny, but I can’t come today. My friend has a stomach ache and she can’t drive.” I am disappointed, most certainly. I would like to see my granddaughter and her sweet little boy. Without visitors, I’m bored. Let’s go for a wander in the fields. “We don’t want to encounter a big machine in the lane.” But there was no problem at all. We could see straw on the ground – fallen from some cart or trailer. And in the fields, all the big bales were gone. We could walk whichever way we liked. We looked at the sea, the quarry and the mine. Soon, perhaps, the stubble field will be ploughed. In the meantime, there are blackberries.

 

Deg ger rag hedhyw: Ten words for today

arrish (m) stubble field

dos warbedn to encounter, come across

draylyer (m) trailer

drog torr (m) stomach ache

erys ~ arys ploughed

gwandra a les ramble about, go for a wander

ma edrek genam I am sorry, I regret

meppik (m) little boy < mab + diminutive ending

pur dhiogel most certainly, of course

sqwithys bored, fed-up

tòllys disappointed



No comments:

Post a Comment