2024 Dedh Pajar Ügens ha Nawnjek
Monday, 8th April
Eus clowys genowgh an nowodhow? Hedhyw thera bagasow brâs en America ow mires orth an ebòrn gen gweder tewal. Ynflamyes o oll an bobel dhe weles difygyans an howl. Rag tüs goth ha benenes coth e vedh aga diwettha ahoson. Dohajedh o en America, saw en Kernow gellys o an howl solabres. Na veu othom dhebm a weder tewal - my a'n welas war wiasva Jornal Strêt Fos. An Loor a wrüg treustremena tredh an Norves ha'n Howl. Terweythyow an howl alja bos gwelys avel halo spladn adro dhe'n loor. Termyn aral ev a veu gwarak rüdh po pel a wòlow.
Have you heard the news? Today there were large groups in America looking at the sky with darkened glass. All the people were excited to see an eclipse of the sun. For old men and old women it will be their last opportunity. It was afternoon in America, but in Cornwall the sun was already gone. I didn't need darkened glass - I saw it on the Wall Street Journal website. The Moon was in transit between the Earth and the Sun. Sometimes the sun could be seen as a bright halo round the moon. Another time it was a red crescent or a ball of light.
Deg ger rag hedhyw Ten words for today
ahoson (m) opportunity, chance
bagasow groups < bagas (m)
difygyans an howl (m) solar eclipse
gwarak (f) crescent
gweder tewal (m) darkened glass
gwiasva (f) website > wiasva (mutates after war)
nowodhow (pl.) news (no singular)
tredh between
treustremena to transit
ynflamyes excited, thrilled, enthusiastic
No comments:
Post a Comment