2024 Dedh Dew Cans Dew warn Ügens
De Gwener, nawes mis Est
Friday, 9th August
Ma gool pemp dedh bewek ow wharvos en Tewynblistra - pemp dedh a vûsek bew ha morplaynya. "Boardmasters" - piw a wra cawas mestry an gwelha a 'gas estyl-playnya? Piw a vedh an "mester astel"? Ma bush brâs a bobel ena, ha nag üjy nagonan ow mires orth an Gwariow Olympyk. Bes ma mordartha - e'n mor en Tahiti. Thew an todnow ena brâssa avel an todnow en Tewynblistra. Ma'n todnow ow provia an nerth, an power, rag an vorplaynyoryon dhe waya rag. Heb todnow nag eus gwayans. Na ell nagonan surfya heb mordarth. Saw astel ell marhoga war dhowr cosel, ow kil devnydh a nerth an gwens. Henn ew astelwolya. Ma gool stag dhe'n astel. Ma'n golyer astel ow sevel war an astel reb an gool. Whath moy pigüs ha üskissa ew keytsurf. Eus whans dhewgh a varhoga agas astel hanter cans mildir a'n owr war an dowr? Whei alja y wil en Bud. Treys an marhak ew stag dhe'n astel, bes an gool ew hujes keyt (brâssa 'vel sarf neyja flehes), senjys gen kerdyn ha lewys gen cledhren. E'n Gwariow Olympyk an resegva veu war an Mor Cres.
There is a lively five day festival taking place in Newquay - five days of live music and surfing. "Boardmasters" - who will have the best mastery of their surfboards? Who will be the "board master"? There's a large crowd of people there, and nobody is watching the Olympic Games. But there is surfing - in the sea at Tahiti. The waves there are bigger than the waves in Newquay. The waves supply the energy, the power, for the surfers to move forward. Without waves there is no movement. Nobody can surf without surf. But a board can ride on still water, making use of the energy of the wind. That is windsurfing or boardsailing or sailboarding. There is a sail attached to the board. The sailboarder stands on the board by the sail. Even more thrilling and faster is kitesurfing. Do you want to ride your board at fifty miles an hour on the water? You could do it in Bude. The feet of the rider are attached to the board, but the sail is a huge kite (bigger than a children's flying snake), held by cords and guided with a bar. In the Olympics the race was on the Mediterranean Sea.
Deg ger rag hedhyw Ten words for today
astelwolya (m) sailboarding, windsurfing
gool (m)(1) festival, fair, feast, etc.
gool (m) (2) sail > vb. golya to sail
kerdyn cords < corden (f) cord
keytsurf (m) kitesurfing
lewys guided, steered < vb. lewya
mestry (m) mastery < mester (m) master
(an) Mor Cres the Mediterranean Sea
mordarth (m) surf > mordartha to surf, surfing
pigüs exciting, thrilling
stag attached, fixed
No comments:
Post a Comment