2024 Dedh Dew Cans hag Ügens
De Merher, seythves mis Est
Wednesday, 7th August
Ma dowr lowr en resegva "steeplechase" teyr mil meter. Châs ew rag certan (saw heb mergh), bes nag eus pigdour veth, na pig na tour! En le, ma eth lett segh warn ügens (pecar'a clòjyow bes stag ort an dor) ha seyth labm dowr. An redoryon ha redoresow ell steppya war an lettys hag e'n dowr heb kereth. Nag ew an dowr down lowr rag neyja. Pònya en skijyow gleb nag ew esy. Nag eus othom a skijyow e'n pol neyja, nag e'n pol sedha. An dowr en pol sedha a dal bos down lowr rag an sedhoryon - pemp meter rag astel sedha deg meter en ûhelder. Nag eus whans dhe nagonan a weskel gòles an pol.
There's plenty of water in a 3000m steeplechase course. It is certainly a chase (though without horses), but there's not a single steeple/spire, nor spike nor tower! Instead, there are 28 dry barriers (similar to hurdles but fixed to the ground) and seven water jumps. The runners can step on the barriers and in the water without penalty. The water is not deep enough for swimming. Running in wet shoes is not comfortable. There is no need for shoes in the swimming pool, nor in the diving pool. The water in a diving pool should be deep enough for the divers - five metres for a diving platform 10m in height. Nobody wants to hit the base of the pool.
Deg ger rag hedhyw Ten words for today
châs (m) chase, hunt
esy comfortable, easy
gòles (m) base, bottom
gweskel to hit, strike, etc. (gw>w after a)
kereth (m) penalty
lowr enough, plenty of
pigdour (m) spire, steeple (pointed tower)
redoryon runners < reder > redores > redoresow (original d rather than s before r)
segh ~ seth dry
skijyow ~ skichow shoes < eskis (f) (SWFM eskisyow)
stag (ort) fixed (to)
No comments:
Post a Comment