2025 Day 163

2025 Dedh Cans Trei Ugens ha Trei

De Yow, dewdhegves mis Efen

Thursday, 12th June

Glaw! Eborn loos! Dowr war an dor! Nag ew an edhyn lowen ha my naneyl. My a wra scrifa neppeth truedhek. 

Nag ew da genam
dedhyow comolek
gen eborn gorherys,

heb howlsplan, heb howldes,

Dhort termyn dhe termyn

ma othom dhen dowr

ha glaw ew da rag

'gan flourys ha losow.

Da via genam

clowes an edhyn

ow cana e'n keow,

saw nag eus bes dagrow glaw

ow codha en plodnow.

Rain! Grey sky! Water on the ground! The birds aren't happy and neither am I. I'll write something miserable!

I do not like

cloudy days

with overcast sky,

without sunshine, without sun's warmth.

From time to time

we need water

and rain is good for

our flowers and veggies.

I'd like to 

hear the birds

singing in the hedges,

but there's nothing but raindrops

falling in puddles.