2025 Day 181

2025 Dedh Cans Pajar Ügens ha Wonan

De Lün, degves warn ügens mis Efen

Monday, 30th June

Otta nebes gesyow moy rago whei!

Here are some more jokes for you!

Qwestyon (Govyn): Ellama kemeres dha bolj (bols)?

Gorryp (Gorthyp): A nag eus onan dhis dha hònan?

Qwestyon (Govyn):  Pandr'a wra mos a-bera kigliw ha dos mes glas?

Gorryp (Gorthyp):  Neyjer en dedh yeyn.

Qwestyon (Govyn):  Pandr'a wrüg an vrodn leverel dhe'n tron?

Gorryp (Gorthyp):  Gero nei cawas nebes  ayr er(yr).

Qwestyon (Govyn):  Rag fra na wra edhen flamek derevel bes üdn arr?

Gorryp (Gorthyp):  Mar teffa hei ha derevel an dhiw, hei a venja codha dhe'n dor.

Qwestyon (Govyn):  Elles ta lebmel ûhelha avel chei?

Gorryp (Gorthyp):  Ea! Na ell treven lebmel.

Qwestyon (Govyn):  Pandr'a wrüg an pedn leverel dhe'n diwla?

Gorryp (Gorthyp):  Oll besies ha meusow os ta.

Qwestyon (Govyn):  Pandr'ew hanow rag corf eskern na vedn sevel emann?

Gorryp (Gorthyp):  Eskern diek, Jan Jiek. 

2025 Day 180

2025 Dedh Cans ha Pajar Ügens

De Sül, nawves warn ügens mis Efen

Sunday, 29th June

Hedhyw, thew an diwettha dedh an Seythen Cowsel Kernôwek. My a glappyas en Kernôwek gen tüs erel de Lün mettin, De Lün dohajedh, De Merher gordhûher, De Yow mettin, De Yow gordhûher, De Gwener mettin ha De Gwener gordhûher.  Saw ma nakevys genam De Sül gordhûher, soweth! Gellys ew an maw bian lebmyn, gen y pel droos hag y diwros, bes skith marow o vy. Na ellama remembra traveth. Martesen my a wra mos a-varr dhe'n gwely ha redya ow lever nowydh - po còsca.

Today, it's the last day of the Speak Cornish Week. I spoke in Cornish with other people on Monday morning, Monday afternoon, Wednesday evening, Thursday morning, Thursday evening, Friday morning and Friday evening. But I forgot Sunday evening, sadly! The little boy has gone now, with his football and his bicycle, but I am dead tired. I can't remember anything. Perhaps I'll go to bed early and read my new book - or sleep.

2025 Day 179

2025 Dedh Cans Trei Ügens ha Nawnjek

De Sadorn, ethves warn ügens mis Efen

Saturday, 28th June

Henvabm o vy, ha hen-henvam ewedh. Ober calish ew - meur a whel dhe wil gen flehes! Ma re a nerth dhe düs yonk. Yonkneth ew gwastyes war an yonkes! Theram ow codhvos gras a gewer teg ha lowarth bras.

I'm a grandmother, and a great-grandmother too. It's hard work - a lot of work to do with children! Young people have too much energy. Youth is wasted on the young! I am grateful for lovely weather and a big garden.

Gerva Vocabulary

godhvos gras a to be grateful for

gwastya to waste, squander

kewer (f) weather > an gewer

nerth ~ nerh (m) energy

yonk young

yonkneth (f) youth (abstract quality) (SWFM yowynkneth)

yonkes (m) young people (SWFM yowynkes)

2025 Day 178

2025 Dedh Cans Trei Ügens hag Etek

De Gwener, seythves warn ügens mis Efen

Friday, 27th June

My ell clowes son a neppeth ow wharvos. Ma'n tros ow tos dhort lowarth agan kentrevoges. Ma tüs whel ow tastrevel (dastrehevel) fos goth, ke Kernow coth. Ma othom a lies men, lies men nowydh. Radn an meyn coth ell bos sawyes ha ûsyes arta, saw radn anodhans ew gwadnhes. Ma meur a ven terrys dhe vos kemerys dhe ves. Nag eus mòngleudh kyllas a'n pow owth obery na velha. Res veu dhodhans cawas meyn dhort telher ogas dhe Bosvena, henwys Mòngleudh Callywick. Arbenigoryon ew an düs ma. Anjei a wrüg lavürya gen Will Coleman war y labyrinth Kerdroya.

I can hear the sound of something happening. The noise is coming from our neighbour's garden. There are workmen rebuilding an old wall, an old Cornish hedge. Many stones are needed, many new stones. Some of the old stones can be saved and used again, but some of them are weakened. There is a lot of broken stone to be taken away. There is no local slate quarry working any more. They had to get stones from a place near Bodmin, called Callywith Quarry. These men are specialists. They worked with Will Coleman on his Kerdroya labyrinth.

2025 Day 177

2025 Dedh Cans Trei Ugens ha Seytek

De Yow, wheffes warn ugens mis Efen

Thursday, 26th June

Ell gesyow en udn tavas bos treylyes dhe davosow erel - ha bos didhanus whath? Terweythyow ma'n geryow en gesyow ow ton moy es udn styr, theram ow pedery. Gwell ew na wrewgh treylya ger-rag-ger.

Can jokes in one language be translated to other languages - and still be funny? Sometimes the words in jokes carry more than one meaning, I think. It's better not to translate word-for-word.

Govyn: Question

Rag fra ma torrow ow cròlya  termyn anjei ew gweg? Why do bellies (g)rumble when they are empty (hungry)?

Gorryp ~ gorthyp: Answer

Drefen na wör anjei clappya. 

Because they don't know how to talk.

Govyn: Question

Piw a medh "Qwick! Qwick!"? 

Who said "Quick! Quick!"?

Gorryp ~ gorthyp: Answer

Heyjik gen hickys. A duckling with hiccups.

Govyn: Question

Pandr'a medh an vantol dhe'n shòger? 

What did the scales say to the sugar?

Gorryp ~ gorthyp: Answer

Ma othom dhebm a vantolly ow rowl voos. 

I need to balance my diet.

Govyn: Question

Pandr'ew gwres gen pemp dewes pigüs ? 

What is made by five fizzy drinks?

Gorryp ~ gorthyp: Answer

Bagas pop. 

A pop group.

2025 Day 176

2025 Dedh Cans Trei Ügens ha Whetek 

De Merher, pempes warn ügens 

Wednesday, 25th June 

E vedh frûtys lowr e’n vledhen ma, en hav diwedhes po kidnyadh. Solabres ma sevy ha shirys gwyls, ke nag ens pur vrâs. Ma lies aval glas war an avalen goth, emesk an kewny. Mirowgh ort oll an flourys dreys e’n keow. Mall ew genam cuntel mor dû ha gwil jamm ha crampesow gen avalow ha mor dû. Ma greun ow tos na dal nei debry, scavyligyon rag sampel. An flourys gwedhros ew pur deg, ha ma sawarn wheg dhodhans, bes na wrewgh debry an greun. Terweythyow rüdh ew diantel!

There will be enough fruit this year, in late summer or autumn. Already there are wild strawberries and wild cherries, though they are not very big. There are lots of green apples on the old apple tree, among the lichen. Look at all the bramble flowers in the hedges. I am looking forward to picking blackberries and making jam or pies with apples and blackberries. There are berries coming that we shouldn't eat, wild arum for example. The honeysuckle flowers are very beautiful, and they have a sweet smell, but don't eat the berries. Sometimes red is dangerous.

Nebes geryow rag hedhyw Some words for today

avalen (f) apple tree (or orchard)

crampesow (pl) pies < crampes (m)

dreys (coll.) brambles > dreysen (f)

greun (coll.) berries, grains > greunen (f)

gwedhros (coll.) honeysuckle > gwedhrosen (f)

ke ~ ken although (SWFMm kyn)

mor dû (coll.) blackberries > moren dhû (f)

scavyligyon (m) wild arum (describes flower)

sevy (coll.) wild strawberries > sevien (f)

shirys (pl) cherries > shiryen (f) - alternative is keres (coll.) > keresen (f)