2024 Dedh Cans Trei Ügens ha Pemp
De Yow, terdhegves mis Efen
Thursday, 13th June
Skith o vy hedhyw ha nag eus nerth lowr dhebm rag scrifa. An gewer ew drog ha ma pubonan owth omglowes trûedhek, heb joy. Re yeyn ew hei dhe sedha e'n lowarth. Re leb ew rag mos dhe'n treth. Pe le ma Hav? Ma kevys genam an ges ma war linen. "Settya Hav Bretednek et y delher. Hanter cans en cans parys. Stallacyon a wrüg fyllel. Error 404 (pajar cans ha pajar). Hav na veu kevys. Hav nag ew dhe dhorn et agas pow. Sayowgh arta, mar pleg." Nag era vy ow skydnya en wharth.
I am tired today and I don't have enough energy for writing. The weather is bad and everyone feels gloomy, joyless. It is too cold to sit in the garden. It is too wet for going to the beach. Where is Summer? I have found this joke on-line. "Installing British Summer. 50% Ready. Installation failed. Error 404: Summer not found. Summer is not available in your country. Please try again." I'm not falling about laughing.
Deg ger rag hedhyw Ten words for today
Bretednek British
dhe dhorn at hand, available
en cans ~ a'n cans percent
fyllel to fail
ges (m) joke
heb joy joyless
omglowes to feel
nerth (m) energy, power, vigour
parys ready
stallacyon (m) installation (SWFM ynstallyans)
trûedhek gloomy, sad, etc.
No comments:
Post a Comment