2020 Dedh Cans Pajar Ügens ha Whetek
De Meurth, pajardegves mis Gorefen
Tuesday, 14th July
Ma'n chei teg ma en Mahynyet, ogas dhe Lyskerwys. Ellowgh whei gweles plât war vos an lowarth? An chei den a bris ew ev. John Richards Lapenotiere a wrüg omdedna ena nanj ew termyn hir. Ev a verwas en etek cans terdhek warn ügens (ev a godhas adhor y vargh). Thew hedna ironek (pecar dr'ewgh whei gweles). Bes "a bris"? Thew nowydh an hanow dhebm. My a recevas hedhyw avisyans ow tòchya kesstrif art. Kemerowgh foto po gwrewgh pictour dhe lymna "Fordh Trafalgar". Ma hebma ow tallath en Falmeth ha diwetha en Loundres, en sodhva an Mer Morlû. O an den Kernow? Nag o. Ev a veu genys en Pow Densher. En etek cans ha pemp ev a wrüg degy messach a bris: gwaynys ew Batel Trafalgar saw kellys ew Arlòdh Nelson. Y scouner a dheuth adhor Pentir Trafalgar dres hager awel dhe Falmeth - viaj pemp jorna. Nena ev a wrüg gòberna carriach. Ev a dravalyas dew gans mildir trei ügens hag üdnek. Res veu chanjya mergh pub deg po pemdhek mildir, ha par termyn ev a janjyas an carriach ewedh - üdn powes warn ügens po môy. Ev a dheuth dres Truru (ma plât en Stret Lemon ha Vorr adro Trafalgar). Ev a gemeras le es etek our warn ügens. An pris? Whegh pens ha dogens, nawnjek souls hag üdn diner. (Hedna via peder po pemp mil pens e'n eur-ma - ha thera nei ow pedery an tren dhe vos ker!)
This lovely house is in Menheniot, Near Liskeard. Can you see a plaque on the garden wall? It's the house of a famous man. John Richards Lapenotiere retired there a long time ago. He died in 1834 (he fell off his horse). That is ironic (as you will see). But "famous"? The name is new to me. Today I received notification about an art competition. Take a photo or do a picture to illustrate "The Trafalgar Way". That starts in Falmouth and finishes in London, in the office of the Admiral of the Fleet. Was the man a Cornishman? He wasn't. He was born in Devon. In 1805 he carried an important message: The Battle of Trafalgar was won but Lord Nelson was lost. His schooner came from Cape Trafalgar through stormy weather to Falmouth - a five day voyage. Then he hired a carriage. He travelled 271 miles. Horses had to be changed every 10 or 15 miles, and sometimes he changed the carriage as well - 21 stops or more. He came through Truro (there is a plaque in Lemon Street and a Trafalgar Roundabout). He took less than 38 hours. The cost? £46-19s-1d. (That would be four or five thousand pounds these days - and we think the train is expensive!)
Deg ger rag hedhyw: Ten words for today
a bris famous, important
avisyans (m) notice, notification, advert
gòberna to hire
kesstrif (m) competition
mer morlû (m) admiral
omdedna to retire
pentir (m) headland, cape
plât (m) plaque
Pow Densher Devon
vorr adro (f) road roundabout
No comments:
Post a Comment