Monday 6 July 2020

2020 Day 188

2020 Dedh Cans Pajar Ügens hag Eth







De Lün, wheffes mis Gorefen

Monday, 6th July










En termyn eus passyes thera lies bal en Kernow, dhe dedna mes sten, cober, plobm, arhans, owr hag erel, bes nag era glow dadn an dor rag teudha oll an mònyow. Glow a veu ûsyes dhe furnya eth dh' obery jynnys e'n jynnjiow. Anjei a wrüg mòvya an düs ha'n mònyow, ha plompya dowr mes a'n kivorrow. Nag o an ayr pur ha glan e'n dedhyow na. Nag era electricita. Melinyow gwens, melinyow dowr ha melinyow a'n lanwes o moy glan bes ûsyes o anjei rag melyas ysow hag eskern. Nag ens ûsyes en whelyow bal. Bes lebmyn thew pub jynnjy mes a ûs ha ma lies "melinyow" gwens war oll an menedhyow, ow qwil electricita. Pur ha glan ew an ayr bes ma gwedhednow ha neus owth ystyn dreus an tir. Nei a wel panellow howlek ewedh. Ha tohow ew glan ha cüdhys gen kewny. 
In the past there were lots of mines in Cornwall, to produce tin, copper, lead, silver, gold, etc., but there wasn't enough coal under the ground for smelting all the ores.  Coal was used to provide steam to work engines in the engine houses. They moved the men and the ore, and pumped water out of the tunnels. The air wasn't pure and clean in those days. There was no electricity. Windmills, watermills and tidal mills were cleaner but they were used for grinding corn and bones. They were not used in mine workings. But now every engine house is out of use and there are many wind "mills" on all the hills, making electricity. The air is pure and clean but there are many poles and wires stretching across the land. We see solar panels too. And roofs are clean and covered with lichens.
Deg ger rag hedhyw: Ten words for today

eth (m) steam, gas, etc.
furnya to provide
kewny (collective plural) lichen, moss, etc.
kivorrow (plural) tunnels < kivorr~kivordh (f)
melin a'n lanwes (f) tidal mill
mònyow (plural) minerals, ores < moon (m)
plompya to pump
teudha to smelt
ysow (plural) cereals, grain, corn 
ystyn  to stretch, extend





No comments:

Post a Comment