2024 Dedh Dew Cans Trei Ügens ha Deg
De Yow, wheffes warn ügens mis Gwedngala
Thursday, 26th September
Ow lagajow a veu examnys de Meurth. Ma caletter bian gen an lagas dyhow. Hedhyw my geth dhe'n vedhegva en Peran Porth dhe vos brehlinys (e'n vregh gledh). Scon my a vedh parys rag an gwav. Kerdh hir war nans o va dhe'n treth, ha'n kerdh tre o whath hirra war vadn! Yeyn o an gwens, ha dhort termyn dhe dermyn e veu glaw. Prowt o nei dh'y wil! Nag ew an treth dynyak, tabm veth, saw whath ma nebes havyjy. Nag eus meur a dhowr e'n Dowr Melinjy bian, bes Coos Melinjy coth ew pur leb - thew gwylfos münys.
My eyes were examined on Tuesday. There is a small problem with the right eye. Today I went to the clinic in Perranporth to be vaccinated (in the left arm). Soon I will be ready for the winter. It was a long walk downhill to the beach, and the walk home was even longer uphill! We're proud to do it! The wind was cold, and from time to time there was rain. The beach is not at all enticing but there are still some "summer" visitors. There's not a lot of water in the little Bolingey River, but old Bolingey Wood is very wet - it's a mini wilderness!
Deg ger rag hedhyw Ten words for today
bregh (f) arm (mutates b>v)
brehlinys vaccinated
cledh left (mutates c>g)
dyhow right
dynyak enticing, attractive
gwelfos~gwylfos (m) wilderness
havyjy summer visitors
kerdh (m) walk < vb kerdhes
parys ready
prowt proud, conceited
No comments:
Post a Comment