2024 Dedh Cans Pajar Ügens hag Eth
De Sadorn, wheffes mis Gorefen
Saturday, 6th July
Ma Kensa Menyster nowydh dhe nei ha ma bagas brâs a venysters dhe scodhya dhodho. Keir Starmer a wrüg appoyntya y Gabinet. Ma nebes Menysters Ûhel a'n Governans. Piw emesk anjei a vedh a vry rag Kernow ha 'gan tavas Kernôwek? Poyntys ew Angela Rayner avel Scrifenyades a Stat rag Heveleby Emann, Annedhyans ha Kemenethow. Hei a wra ònderstondya agan caletterow gen whel gobrow isel ha fowt a annedhyans cavadow. Saw wra hei ònderstondya agan cultur ha tavas? Vedh mòna lowr rag Kernow e'n termyn a vedn dos? Chonsler an Arhow nowydh ew Rachel Reeves. Scrifenyades a Stat moy ew Lisa Nandy. Nei a dal mires dhedhy rag Cultur, Maynys ha Sport. Ma fowt a media e'n tavas Kernôwek. Scrifenyades a Stat rag Adhescans ew Bridget Phillipson. Ma othom dhe nei a adhescans et agan tavas. Ma othom a dhescajow Kernôwek ha descajow adro dhe story Kernow. Nei a wra mires orth an benenes ma! Ma martesen pemp Scrifednyas a Stat erel dhe verkya avorow.
We have a new Prime Minister and he has a big group of ministers to support him. Keir Starmer has appointed his Cabinet. There are several Cabinet Ministers. Who amongst them will be significant for Cornwall and our Cornish language? Angela Rayner is appointed Secretary of State for Levelling Up, Housing and Communities. She will understand our problems with low paid work and lack of affordable housing. But will she understand our culture and language? Will there be enough money for Cornwall in the future? The new Chancellor of the Exchequer is Rachel Reeves. Another Secretary of State is Lisa Nandy. We should look to her for Culture, Media and Sport. There is a lack of media in the Cornish language. The Secretary of State for Education is Bridget Phillipson. We need education in our language. There's a need of Cornish lessons and lessons about Cornish history. We will watch these women! There are perhaps five other Secretaries of State to consider tomorrow.
Deg ger rag hedhyw Ten words for today
adhescans (m) education
annedhyans (m) housing
appoyntya ~ poyntya to appoint
a vry significant (SWFM a vri)
Chonsler an Arhow (m) Chancellor of the Exchequer
kemenethow (pl.) communities
Kensa ~ Pedn Menyster (m) Prime Minister
Menyster Ûhel a'n Governans (m) cabinet Minister, senior government minister
scrifednyas (m) secretary
Scrifenyades a Stat (f) Secretary of State
No comments:
Post a Comment