2024 Dedh Dewdhek warn Ugens
De Yow, kensa mis Whevrel
Thursday, 1st February
Seher! Whei a wra trouvya seher en oll shâpys ha mensow. Desînys ell bos sempel po afînys. Anjei ell bos gwres en oll sortow peth hebleth. Boxys ew dihebleth. Radn an seher ell bos dasûsyes, radn anodhans ew towlys dhe ves wòja üdn devnydh en üdnek (plastyk scav dres ehen). Sagh rag dasûsyans ell bos argraffys gen hanow po arwòdh. Ma pemp sagh brâs dhe nei gen hanow RJ Trevail (avel argebmyn). Martesen nei ell aga ûsya rag kemeres atal. Na aljama kemeres sagh an par-na dhe varhas. Harry Potter ew da gen ow mergh wydn, etho ma sagh cotton dhedhy "Na wrewgh alowa an Muggles dh'agas grevya!" Da ew gena vy art, etho ma dhebm sagh gwydn ha du dhort Soler Art Tate en Porthia. My ell mos dhe'n shoppys heb meth.
Bags! You will find bags in all shapes and sizes. Designs may be simple or elaborated. They can be made in all sorts of flexible stuff. Boxes are inflexible. Some of the bags can be reused, but some of them are thrown away after only one use (especially flimsy plastic). A bag for re-use can be printed with a name or a logo. We have five big bags with the name RJ Trevail (as an advertisement). Perhaps we can use them to take rubbish. I could not take a bag of that kind to market! My granddaughter likes Harry Potter, so she has a cotton bag "Don't let the Muggles get you down!" I like art, so I have a white and black bag from the Tate Art Gallery in St Ives. I can go to the shops without embarrassment.
No comments:
Post a Comment