2022 Day 4

2022 Dedh Pajar

De Meurth, pajwora mis Genver

Tuesday, 4th January

 Nag eus finweth dhe dhrog chons, car dre hevel. O vy moredhek? Ma meschonsyow ow tos en bagasow tredden, bes e veu dhebm moy es trei droglam solabres. Pandr'ew an caletter hedhyw? Agan mergh ew clav ha na ell hei cuntel hy flehes. Res ew dhebm aga didhana. Nei a warias an creger liesgweyth, ha chess ha cartednow. Pandr'ew da gen flehes clav dhe dhebry? Martesen nebes grappys. Saw na veu hedna tybyans pur dha.  Üdnek ar glogh, an maw bian a whejas arta. Ma hedna ow menya moy liednow ha dilhas rag an jynn-gòlhy avorow.

There is no limit to bad luck, so it seems. Am I pessimistic? Mishaps come in threes, but I have had more than three disasters already. What is the problem today? Our daughter is ill and she can't collect her children. I must entertain them. We played hangman many times, and chess and cards. What do sick children like to eat? Perhaps a few grapes. But that was not a very good idea. Eleven o'clock, the little boy was sick again. That means more bedclothes and clothes for the washing machine tomorrow.

Deg ger rag hedhyw Ten words for today

car dre hevel so it seems

didhana to entertain, divert, amuse

drog chons bad luck

droglam (m) disaster, catastrophe

finweth (f) limit

grappys grapes < grappa (m)

gwary an creger to play hangman

liesgweyth many times

meschons (m) mishap

moredhek pessimistic, negative