2023 Dedh Trei Hans ha Pemp
De Merher, kensa mis Dû
Wednesday, 1st November
Deg ar glogh, otta vy e'n lowarth, ow towlel pel rag kei ow mergh. Thera vy ow clowes lev an mor, todnow e'n pelder. Thera mola dhû ow cana en ke. Thera tòbmder an howl war ow bejeth. Ugens mynysen ken hanter dedh, devedhys ew an keser, lies keseren vrâs war an stappys ha mesk an reden. Bes hanter dedh, otta an howl arta. Na ellama y weles e'n dohajedh. Ma va adhelher dhe'n menedh. Termyn ew lebmyn dhe fastya taclow e'n lowarth ken Enawel Ciarán.
Ten o'clock, behold me in the garden, throwing a ball for my daughter's dog. I was hearing the voice of the sea, waves in the distance. A blackbird was singing in a hedge. The warmth of the sun was on my face. Twenty minutes before midday, the hail arrived, a lot of big hail stones on the steps and among the ferns. But at noon, behold the sun again. I can't see it in the afternoon. It is behind the hill. It's time now to make fast things in the garden before Storm Ciarán.
No comments:
Post a Comment