2024 Dedh Naw warn Ügens
De Lün, nawes warn ügens mis Genver
Monday, 29th January
My a drovyas nebes fotos coth. A ello whei ajon an venyn yong, gorm hy blew? Vyctym facyon! E’n gwelha pres, na ellowgh gweles hy bejeth. Warlergh an vaner ha’n gis e’n eur-na o hei (hei a brederas)! An pres a veu mariach cosin hy gour. Côta gwydn ha manegow gwydn, hei a bernas an hott en Truru. (Nag üjy an gwerthjy ena na velha (na fella)). An skichow ûhel o gòcky - gòlesow skichow soler tew oldhawor – kerdhes o calish. Saw e veu hott brâssa dhe’n venyn bries.
I found some old photos. Can you recognise the young woman with brown hair? Fasion victim! Fortunately, you can’t see her face. She was trendy (she thought)! The occasion was the wedding of her husband’s cousin. White coat and white gloves, she bought the hat in Truro. (The shop is no longer there.) The high-heeled shoes were ridiculous – fashionable thick platform soles – walking was difficult. But the bride had a bigger hat.
No comments:
Post a Comment