2025 Day 252

2025 Dedh Dew Cans Dewdhek ha Dewgens

De Meurth, nawes mis Gwedngala
Tuesday, 9th September

Gero nei mos pelha gen agan daralla. Jory ha Rosa a dednas lies cònin gwydn mes a hatt hir Jory. An cònines a bònyas a-dhelher dhe'n ke en pras an scol. Lebmyn ma'n flehes oll en scol.

Let's proceed with our story. George and Rosa pulled a lot of white rabbits out of George's top hat. The rabbits ran behind the hedge in the school field. Now the children are all in school.

bos locative (+ particle + verb)  in red

bos descriptive in green (+ verbal adjective)

using other auxiliary verbs

prepositions used with bos in passive constructions

Nag üjy Kettern ow rei scovarn veth dh’y nessa descans. Ma hei ow pedery a oll an cònines e'n pras an scol. Ma caletter brâs dhe'n flehes. Fatel ew possybyl dhe wòrra dhe ves mar lies anodhans?

Katie is not paying any attention to her next lesson. She is thinking of all the rabbits in the school field. The children have a big problem. How is it possible to get rid of so many of them?

Ma esperans dhe Kettern nag ew an cònines gwelys gen nagonan. Ma hei ow còrtos pres kidnyow. 

Katie hopes that the rabbits are not seen by anyone. She is waiting for dinner time.

Ma sawor a voos ow tos dhort an gegin: scavellow cronek friys, cowl caretys hag onyon, pasta gen sows kig. Gwag ew hei.

There is a smell of food coming from the kitchen: fried mushrooms, carrot and onion soup, pasta with meat sauce. She is hungry.

War an diwedh ma clogh an scol ow seny. Ma nebes flehes ow còrra aga ober war an copart reb an veister. Adhesempis, mons ow creia ha wherthin.

At last the school bell rings. Some children are putting their work on the cupboard by the window. Suddenly, they are shouting and laughing.

“Ottena! Ottena! Gwrew’ mires orth oll an cònines na!” Soweth, anfüjik ew Kettern. Oll an bes ell gweles cònines.

“See there! See there! Look at all those rabbits!” Oh dear, Katie is unlucky. All the world can see rabbits.

Bes pes cònin eus? Ma hei ow mos dhe'n veister dhe vires.

But how many rabbits are there? She goes to the window to look.

Ma routh veur a gònines gwydn ow sedha war an gwels ogas dhe dharas an scol. Gwag ew aga mir. Martesen, sawor an caretys po sawor an scavellow cronek ew da ganjans. 

There is a crowd of white rabbits sitting on the grass near the school door. They look hungry. Perhaps, they like the smell of the carrots or the smell of the mushrooms. 

Nag üjy an cònines ena termyn hir. Ma lies flogh ow pònya der an daras ha’ga chassya oll adro dhe’n pras. Scon, leun ew an pras a flehes ha cònines. Mons ow pònya war dhelher hag en rag. 

The rabbits are not there for long. A lot of children run through the door and chase them around the field. Soon the field is full of children and rabbits running backwards and forwards.

Müscotter ew. Pub tra oll en deray!

It is madness. Complete chaos!