2025 Dedh Cans Pajar
Ügens ha Deg
De Merher, nawes mis Gorefen
Wednesday, 9th July
Gellys ew Dedh "Aphelion" en mis ma, nebes dedhyow wòja an howlsavla en mis Efen. Bes pandr'ew "aphelion"? Pandr'üjy va ow menya? Ma'n Norves ow resek adro dhe'n Howl, saw nag ew y resegva kelgh perfydh; hirgelgh ew. En Dedh "Aphelion" ma'n Norves pell dhort an Howl, an pelha aljava bos dhort effect an Howl (dynyans ha dewydnyans). Whegh mis moy diwedhes an Norves a vedh et y le an moyha ogas dhe'n Howl. Ev a vedh moy nes dhe effect an Howl, en Dedh "Perihelion", tryja mis Genver, diw mil whegh warn ügens (nebes dedhyow wòja an howlsavla en mis Kevardhû) . Mir an Howl ew nebes behatna en mis Gorefen ha nebes brâssa en mis Genver. En pecar maner, thew resegva an Loor hirgelgh. Terweythyow ma mir brâssa dhe'n Loor. Res ew dhen cortos terebo mis Dû rag Loor Veur. Em mis ma nag ew hei bes Loor Leun Yorgh (avorow).
"Aphelion" Day in this month is gone, several days after the solstice in June. But what is aphelion? What does it mean? The Earth is orbiting around the Sun, but its course is not a perfect circle; it is an ellipse. On Aphelion Day the Earth is far from the Sun, the furthest it could be away from the Sun's influence (magnetism and radiation). Six months later the Earth will be at its nearest position to the Sun. It will be closer to the Sun's influence, on Perihelion Day, 3rd January, 2026 (several days after the solstice in December). The appearance of the Sun is slightly smaller in July and slightly larger in January. Similarly, the Moon's orbit is an ellipse. Sometimes the Moon looks bigger. We must wait until November for a Super Moon. This month it's only a Buck Full Moon (tomorrow).
Geryow rag hedhyw Words for today
behatna smaller (SWFMm byghanna)
brâssa bigger
dewydnyans (m) radiation
diwedhes later
dynyans (m) magnetism, attraction
en pecar maner similarly (SWFMm yn kepar maner)
hirgelgh (m) ellipse (SWFMm hirgylgh)
howlsavla (m) solstice
kelgh (m) circle, hoop (SWFMm kylgh)
menya to mean, signify
mir (m) look, appearance
resegva (f) orbit, course < vb. resek
wòja after (SWFMm wosa)
yorgh ~ yorth (m) roe/wild buck/stag
No comments:
Post a Comment