2022 Day 307

2022 Dedh Trei Hans ha Seyth

De Yow, tryja mis Dû

Thursday, 3rd November

E'n mettin a-varr tho an ayr cosel ha possybyl o dhe glowes an mor e'n pelder. Thera howl ha nag era gwens rag cott termyn. Moy diwedhes, cloudys a wrüg cüdha an howl ha'n gwens a wrüg derevel. Na aljama clowes an mor na velha, na veu bes an gwens e'n gwedh. Wòja hedna an glaw a dheuth, gen venjans! En Falmeth, thera an dowr resek e'n strêt. "E vedh glaw moy hanath, gen taran ha luhes," a warnyas an radyo. Martesen e vedh gwell avorow. Ma othom dhen a voydya del dhort agan londrys - tagys ens.  

Early in the morning the air was quiet and it was possible to hear the sea in the distance. There was sun and there wasn't any wind for a short while. Later, clouds covered the sun and the wind got up. I couldn't hear the sea any more, there was only the wind in the trees. After that the rain came, with a vengeance! In Falmouth, the water was running in the street. "There will be more rain tonight, with thunder and lightning" warned the radio. Perhaps it will be better tomorrow. We need to clear leaves out of our launders - they are choked.