2022 Dedh Cans Trei Ügens ha Whegh
Wednesday, 15th June
Pe liw ew an ebòrn? Glas ew. Pe liw ew an mor? Glas ew. Pe liw ew plansow? Glas ens. Rag fra nag eus bes üdn ger? Ew hebma üdnik dhe'n tavas Kernôwek? Nag ew. Na veu ger rag "blue" dhe lies tavas coth. Homer (Grek) a scrifas a'n "mor gwin-tewl". O an Grekyans liw-dall? Nag ens. Thera dhe'n tavosow pur goth an geryow "dû" ha "gwydn" (rag "tewl" ha "golow"). Nessa a dheuth an liw a wooj (po gwin) - ma nebes geryow. Hanow diberh rag "blou" a dheuth moy a-lergh ha hanow diberh rag "gwer". Kens hedna, martesen, blou o gwelys avel ehen a wer! Rag hedna, "glas" o ger da lowr. Bettegens, en Pow Ejyp an liw blou o senjys brâs - glesyn o gwres (gen cober etto) dhe vos pecar'a lapis-lazuli. E veu ger dhodhans! Thera lapis en paynt blou - pur gostly - pur specyal (rag Maria).
What colour is the sky? It's "glas". What colour is the sea? It's "glas". What colour are plants? They are "glas". Why is there only one word? Is this unique to the Cornish language? No. Many old languages had no word for "blue". Homer (Greek) wrote of the "wine-dark sea". Were the Greeks colour-blind? No. Very old languages had the words "black" and "white" (for "dark" and "light"). Next came the colour of blood (or wine) - there are several words. A separate name for "blue" came more recently, and a separate name for "green". Before that, perhaps, blue was seen as a type of green! Therefore "glas" was an adequate word. However, in Egypt the colour blue was highly prized - a dye was made (with copper in it) to be like lapis-lazuli. They had a word! There was lapis in blue paint - very costly - very special (for Mary).
No comments:
Post a Comment