2022 Day 129

2022 Dedh Cans Naw warn Ügens

De Lün, nawhes mis Me
Monday, 9th May

Eus bescath gwelys genowgh An Deg Lavar Duw en  scrifa-compòster coth (ken SWF)? Otta trei versyon dhort moy es teyr po peder cansbledhen alebma. Ma othom dhewgh a lavar an geryow! Gwrewgh gosowes! Gwrewgh clowes an son!

Have you ever seen The Ten Commandments in old spelling (pre-SWF)? Here are three versions from more than three or four centuries ago. You need to say the words! Listen! Hear the sound!

Anonymous c.1612

An Dek Aradow

1. Te ny vyth ken Dew mes me.
2. Te ny wra thy honyn whel trehes vyth, nyn avalder a dra vyth as yn nef awartha, nyn oar a woslos nyn-dowr es dan an aor. Te na ras plegha the renna, nyn ga gorthya, rag me an arluth thy Dew yw Dew a vear honan, hag a wra than pehosow en tas ow cotha war an fleghys bys an tressa han peswera hynnyth an neb es ton ate thym; ha disqueth kerense the millyow an neb es ow cara, ha es gwitha ow aradow.
3. Te nyn ras towle the scull hanaw an arluth thy Dew rag an Arluth ny syns heb........, neb es towle y hanaw thy scull.
4. Te pergh cof the wetha sans an dyth sabbat, whegh dyth te wra whel ha wra myns es thys the gwyll mes an sythvas dyth yw An Sabbat an arluth thy Dew : yn henna te ny wra ehan a whel, te nyn thy vab, nyn thy mergh, nyn thy dean whel, nyn thy mosewhel, nyn thy loudnow, nyn thy dean uncowth na travyth es abarth chy thy portow : rag yn whegh dyth an arluth wras an nef han oar, an moar, ha myns es yn hy ha powesas an sythvas dyth, rag hemna an arluth a ros banneth than sythvas dyth han sonas.
5. Te gwras gorthye thy tas ha thy mam ma halla thy dythyow bos pell es res thys gans an arluth thy Dew.
6. Te ny ras laddra.
7. Te ny ras crowetha gans gwregh den arall.
8. Te ny ras latha mab den.
9. Te ny ras dry dustunny gowek erbyn thy contrevak.
10. Te ny kymar hyrrath war lerk chy thy contrevack na y gwregh nyn y denwheal, ny y voswheal. Na udgan, ny asen na travyth an pew ef.

OC. vol.IX.no.11 Autumn 1984 Talek (Bodl.MSS 1074)

Thomas Boson 1710

Ten Commandments (an Deag Laver Deu)

Deu a Couzas an geryou ma, ha lavaras, Tho ve de Arlith Deu

1. naras gouas na hene deu buz ve.

2. nares gule do de wynnen tra garoules vith, na havelle traveth es en Nefe a warrah, po en Nore a wolas, po en dour dadn an Nore, Narase plegy en dore dothans, na ge worry Ey, rag ve de Arlith deu, ome deu o whonen, ha vedne dry pehazo an Tazo war an flehas treleba an trugga han pagwera henath a nebma na Ello perthe ve ha disquethas truath do milliou es o Carra ve, ha guetha o Lavarro.

3. Naras hanwall de Arlith Deu heb oatham, rag na vedn an Arlith gave do Neb ra E hanwelle heb oatham.

4. Perh co tra te guetha a Suile benegas, wheha deth te ra guile whele, ha guil mens es des do wele, bus an Sithas deth eu an Suil de Arlith deu nena naras guil whele vith, te, na de mabe, na de Merth, de Guas, na de maiteth, de Chattol, na an vncouth es guy de yettes, rag en wheha deth, an Arlith guras nefe, ha Nore, an More, ha mens tra es ittanz; ha reg poaz an sithas deth, ra hedna an Arlith reig guil an sithvas deth benigas ha Euhall benigas;

5. Grua worry de Taz, ha de vam, mol de dethyo boz pel En tereath neba regue de Arlith due ry dez;

6. Te naras Latha denvith;

7. Te naras Crewetha gen grueage de contrevack;

8. Te naras Laddra;

9. Te naras ty gou warbedn denvith;

10. Te naras gouas hirrath rag chuy de Contrevack, na rag-g(a)uas hirrath rag Greage de Contrevack, na e guaz, na Maiteth, na e ouggan, na e rouzan, na neb tra es do de Contrevack;

Arlith, kebmer truath war a ny, ha screifa ol rima de laverrou en gen Collonou ny, ny a peige. Amen.

William Gwavas

Ten Commandments (an Deag Laver Deu)

An Deg Gura Deu

1. Ti na fegh ken Deu byz me.

2. Ti na gura dha vynnyn huil terhiz veth, na haval der traveth es en Nev avortha na en aor a golaz, na en dowr es dadn an aor, Ti na ras pleghe dha rina na gura gurthy, rag me Arleth Deu eu Deu guir a vynnyn dha gura dh’em Pehosou an Taze var an flehas dha an tredzha ha an padzhura Hynnyth na el pertha vi; Diskuetha Triuadh var milieu neb es kara ha kuitha ma gura Deu.

3. Ti na kameras hanou an Arleth Deu en ganau hep ortham (for oatham NK), rag an Arleth na sinnnnnnndz ea heb peh; neb es kamar e hanau en ganau heb ortham (oatham).

4. Ti na ra kevy dha kuitha benigas Dezil; huih dydh ti gura huil ha gura mens es dh’ys dha guil, byz an seithas dydh eu an zil benigas Arleth Deu, enna ti na gura ehal (ehan ?NK) a huil, ti na goz mab, na goz merh, na goz guas, na goz mahtheid, na goz chattal, na dean unchuth, na travith es bar tshei gos gettes, rag en huih dydh an Arleth guras an Nev, an aor, a mor; ha mens es ena, ha pouesaz an seithas dydh, rag hedna an Arleth guras an seithas jurna benigas, ha sonaz.

5. Ti gurns gurthy dha goz Sira, ha Dama, rag goz dydhiou bos pell var an tir es res dh’yz gans Arleth Deu.

6. Ti na ras ladha mab dean.

7. Ti na ras crovetha gans gureg dean aral.

8. Ti na ras ladra.

9. Ti na ras tiah gou erbyn de kyntrevak.

10. Ti na ras gauas hirrath var ler tshei de kyntrevak na ras gauas hirrath rag gureg goz kentrevak na e dean huil na e moze huil, na e vozheon, na e rozan na travith es peth eve.

BM Add. MS 28 554 f.106) OC Vol IX No.11 Autumn 1984 Talek ed