2022 Dedh Pemdhek warn Ugens
De Gwener, pajwora mis Whevrel
Friday, 4th February
Calish ew dhe vos mes e'n jedh hedhyw. Fatel ellama gweles an wharvosow en Kernow? Senjys o vy dhe CornwallLive nowodhow. Lebmyn my a wor dr'ew treven en Kernow en peryl a vos mes a wel rag nevra. Nebonan a dal aga owna. Diantel ens, ewedh. Anjei alja codha war nebonan po war gerry. Ma rowl a radn an treven ertach - Gradh Dew. Lies anodhans ew gwag, bes terweythyow ma shoppa parys dhe godha. Ma hedna en Cambron. An edhyn ew lowen, anjei ell gwil aga neyth e'n toll. Towl-losk ha vandalieth ell bos caletter. An tavern ma a veu meurgerys. Nelson a omwelas warnodho. Lies jynnjy ew saw, bes rag fra nag ew an gweythva govyon en Wheal Busy sawys? Senedher John Lemon a dherivas chei obma en 1787, bes lebmyn thew an maner ma gerys dhe bodry.
Nowadays it is difficult to go out. How can I see the happenings in Cornwall? I am beholden to CornwallLive news. Now I know that there are buildings in Cornwall at risk of disappearing forever. Someone should repair them. They are dangerous as well. They could fall on someone or on cars. There is a list of some of the heritage buildings - Grade Two. Many of them are empty, but sometimes there is an unstable shop. This one is in Camborne. The birds are happy, they can build their nest in the hole. Arson and vandalism can be a problem. This inn was much loved. Nelson visited it. Many engine houses are safe, but why is this blacksmiths' workshop in Wheal Busy not saved? Member of Parliament John Lemon built a house here in 1787, but now this manor is left to decay.
Nebes geryow rag an jedh Some words for the day
diantel dangerous
ertach (m) heritage
govyon blacksmiths < gov (m)
maner (m) manor
parys dhe godha unstable, ready to fall
peryl (m) risk
podry to decay
senedher (m) member of Parliament
towl-losk (m) arson
vandalieth (f) vandalism
No comments:
Post a Comment