Mis
Dû ew. Ew hedna kidnyadh po gwav? Terweythyow thew an gewer yeyn ha gwenjek ha
ma kesarednow ha delkyow marow codhys war
an to gweder
Bulhorn
a wrüg doas e’n chei. Ev a venja avoydya hager awel, saw martesen re segh ew
ragto war an vos. Wra ev treusvewa? Na ora vy.
E’n
lowarth nag ew an reden marow whath. Ma delkyow marow gleb moy codhys war an grisyow kyllas. Kebmer with, na wra che sleppya. Ma enwedhen vroas (re vroas) en ogas. Nag ew hei da genam.
Gellys
ew an sêson hav. Degolyow hav ew diwedhys. E’n dre reb an mor ma lies shoppa o
keas rag an gwav. Anjei a vedn egery arta en gwenton. Hebma ma shoppa skijyow.
Nag eus odhom dhe düs a skijyow nowydh rag an treth e’n polj ma.
Ha thew hebma restaurant. Nag eus tüs lowr dhe dhebry aga boos; nag eus gwayn veth dhe fittya boos rag boosty gwag. "Meur ras dhe whei," medh anjei, ha "Nadelek lowen."
No comments:
Post a Comment