Saturday 11 June 2016

Tabm a Gernow 51 (cuckoo flowers)

En termyn eus passyes thera an gog a longya dhe dhoas en Breten Veur en mis Ebrel. Ma rim en Sowsnek: “In April come she will”. Saw mis Efan ew lebmyn, ha nag eus cog veth en Lannberan. Ma nebes flourys gen an ger “cog” po “gog” et aga henwyn. Mons ow pleujyowa whath en gwenton, ken nag eus cog. En kensa ma bleujen an gog (bluebell). Moy diwettha ema les an gog (marigold) ha scaveligyon (“cuckoo pint” en Sowsnek). Otta blejyow an gog reb an eglos en mis Ebrel. An flourys gwydn e'mesk an blejyow an gog ew kennin gwels.

Nag ew hebma flour gen "cog" po "cuckoo" et y hanow. Na ora vy an les. Me a'n welas de. En Sowsnek henwys ew "cuckoo spittle". An treylyans ger rag ger en Kernowek ew "trew cog" po martesen "trewyas an gog". Ma prev whehtrosek dadn an whedhednow - rag gwitha ort deseha.

No comments:

Post a Comment