Wednesday 12 August 2020

2020 Day 225

 2020 Dedh Dew Cans Pemp warn Ügens 

De Merher, dewdhegves mis Est

Wednesday, 12th August

 

Thera othom dhebm a vedhacneth môy, etho res veu dhebm mos dhe’n vedhegva rag whithrans medhek. "Pur dha," emedham, "my ell gweles an mor." Na wrüga vy kerdhes en hons dhe growshens Melinjy a-ban dalladhvos COVID-19. Na veu an vorr pur vesy. A vedh an dre leun a havyjy? A vedh routh veur war an treth? Bes pe le ma an mor? Na ellama gweles bes niwl hag üdn kei (gen pel rüdh) ow pònya war dreth gwag. My a gnackyas war veister an vedhegva. "Otta vy òbma!" Clavjiores a egoras an daras. Nena pres veu rag musüra ow gwask gooj, ûhelder ha poos, ha kemeres sampels gooj. Ha a wra danon an sampels dhe laboratory clojy rag assay. Pandr'ew hebma en ogas? Ma chei milvedhek nowydh. Hebma o bosty (restorant) en havyow eus passyes.


I needed more medication, so I had to go to the doctor's surgery for a check-up. "Very good," I said, "I can see the sea." I hadn't walked beyond Bolingey crossroads since the beginning of COVID-19. The road wasn't very busy. Will the village be full of summer visitors? Will there be a big crowd on the beach? But where is the sea? I can only see fog and one dog (with a red ball) running on an empty beach. I knocked on the surgery window. "Here I am!" A nurse opened the door. Then it was time to measure my blood pressure, height and weight, and take blood samples. She will send the samples to a hospital laboratory for analysis. What is this nearby? There is a new vet's surgery. This was a restaurant in past summers.

 

Deg ger rag hedhyw: Ten words for today

assay (m) analysis

clavjiores (f) nurse

danon ~ danvon to send

gwask gooj ~ goos (f) blood pressure

laboratory clojy ~ clavjy (m) hospital laboratory

medhacneth ~ medhegneth (f) medicine, medication

medhegva (f) doctors’ surgery

milvedhek (m) veterinary surgeon

sampel gooj (m) blood sample

whithrans medhek (m) medical examination, check-up







No comments:

Post a Comment