Sunday 22 September 2019

2019 Day 265

Dedh Dew Cans Trei Ügens ha Pemp



De Sül, nessa warn ügens mis Gwedngala
Sunday, 22nd September

Ma keheja dedh ha nos dhe nei üdn jedh en mis Gwedngala. Ma'n howldrevel en est compes ha howlsedhes en west compes. Thew an keheja a'n bes alinys gen cres howl hewel. Òja hedna an howl a wra derevel emann môy war tûa'n soth est ha sedhas môy war tûa'n soth west. An dedhyow a wra mos cotta ha'n nosow hirra. An cotta dedh a vedh en mis Kevardhû. Howlsedhes hedhyw òbma a vedh nawnjek münys òja seyth eur dohajedh. Avorow howldrevel a vedh seyth münys òja seyth eur e'n mettin. Nag eus keheja dedh ha nos whath. (Ha na veu an fotos ma kemerys hedhyw!)

We have an equinox on one day in September. The sunrise is due east and sunset is due west. The equator is aligned with the centre of the visible sun. After that the sun rises more towards the south east and sets more towards the south west. The days become shorter and the nights longer. The shortest day will be in December. Sunset here today will be 7.19 p.m. Tomorrow sunrise will be 7.07 a.m. It is not the equinox yet. (And these photos weren't taken today!)

Deg ger rag hedhyw: Ten words for today

cotta shorter (comparative cott short – not to be confused with cottha older < coth old)
dohajedh p.m. (you can also use wòja hanterdedh or e'n nos)
e'n mettin a.m. (you can also use kens hanterdedh)
hewel visible, easily seen, obvious, etc. < gweles to see
hirra longer (comparative hir long)
howldrevel sunrise, dawn, east, orient (can also be writtenhowldrehevel)
howlsedhes sunset, sundown, west, occident (also fig. end of something)
keheja equator, horizon, measure, extent, range, reach, etc.
keheja a'n bes the equator (of the world)
keheja dedh ha nos equinox (you can also use kehesnos)

No comments:

Post a Comment