Tabm a Gernow 74 (seaside activities)

Eus flehes dhewgh? Ew da gena whei gwil sportys dowr? Eus mona luk dhewgh? Whei ell perna pub sort oll a daclow rag an treth ha'n mor. Ma'n shoppa ma, reb an treth, o wharra (gwertha) pelyow broas ha bian en divers liwyow, rag gwary peldroos po pel dorn war an treth.

Flehes ell gwil castilly treth gen bukettys (kelern) ha palyow. E'n shoppa ma ema daffer erel e'wedh: canna dowrhe ha crib rag ensampel.



Na vedno whei perna an taclow eus odhom dhewgh? Whei ell gòberna anjei. Otta dillas gleb. Yeyn ew an dowr. Mars eus whans dhewgh a voas e'n mor ha mordardha, whei a dal gorra onan adro dhewgh.

Ha whei ell gòberna stul playnya e'wedh. Ha martesen ma odhom dhewgh a dhescanjow.

Na ellowgh whei kerdhes war dreth? Eus diwarr droag dhewgh? Whei ell gòberna cador-ros gen rosow pur vroas. Nag üjy rosow a'n ehen ma o sedhy e'n treth.