Wednesday 5 October 2016

Tabm a Gernow 72 (grand hotel in Newquay)

Eus mona lowr dhewgh? En cas na, whei ell ostya en ostel broas ha brav. Hebm'ew "Headland Hotel", towlys gen towler treven Silvanus Trevail. An ostel a veu derevys e'n oos Victoria rag omweloryon rych dhe vorrep en Towyn Plustry, dreys dhe'n dre gen hens horn nowedh. Nag era da an ostel gen tüs a'n poscas. Thera anjei longya dhe seha aga rosow war an oon gebmyn. Kesstrif o, e'wedh, gen "Atlantic Hotel" rag termyn hir (gwethhes o golok an Atlantic) .  An kensa ostyjy Headland a veu welcobmys en mis Efan, bledhen nawnjek cans. 


No comments:

Post a Comment