Tuesday 7 May 2019

2019 Day 127

Dedh Cans Seyth warn Ügens
De Meurth, seythves mis Me
Tuesday, 7th May 

E’n dohajedh me eth dhe chei ow hothman dhe gawas badna de ha practisya agan disqwedhyans rag nessa de Merher. Hei a vedn liwya pictour rag agan bagas art ha me a vedn descrifa hy maner gweythresa ha daffar. Hei a dhewisas foto en lever termyn rag awen. An canfas ew deg centimeter warn ügens en hester (hirder) ha pajar ügens centimeter en lester, ha parrys ew solabres gen “gesso” (ehen a baynt gwydn). Ma liwyow strothys dhedhy (pelha ages gwydn) – gorm, dew vlou, dew velyn, rüdhvelyn ha loos. Gen scübellik brâs hei a lesas blou spladn meskys der vaner garow gen gwydn rag an eborn ha commol. Glas tewl rag an mor, tabm loos ha tabm gwydn rag skeujow ha cribow todnow a dheuth nessa. Dew velyn rag an treth ha tewyn bian, gorm ha loos rag carygy. Nena meur a wydn, gorrys gen colhel a wras an mordarth war an treth ha carygy. Era odhom dhen a nebes aral? Entei. Pedntir en pelder, tabm gòbmon war garygy, ha nebes planjow segh war an tewyn. Henn ew lowr.
In the afternoon I went to my friend’s house to take a drop of tea and practise our demonstration for next Wednesday. She will paint a picture for our art group and I will describe her procedure and equipment. She chose a photo in a magazine for inspiration. The canvas is 30cm high and 80cm wide, and already primed (prepared) with gesso (a type of white paint). She has limited colours (apart from white) – dark brown, two blues, two yellows, orange and grey. With a big paintbrush she spread bright blue mixed roughly with white for the sky and clouds. Dark blue for the sea, a bit of grey and a bit of white for shadows and crests of waves came next.Two yellows for the beach and a little dune, brown and grey for rocks. Then a lot of white applied with a knife made the surf on the beach and rocks. Did we need something else? Certainly. A headland in the distance, a bit of seaweed on rocks and a few dry plants on the dune. That’s enough.

No comments:

Post a Comment