Thursday 4 May 2017

Tabm a Gernow 100 (Spring)


Devedhys ew gwenton ha lowen o vy. Gwenton ew o seson meurgerys. Tabm ha tabm ma'n dedhyow o treylya hirra ha moy tòbm. Gyllys lebmyn ew an keheja dedh ha nos en mis Meurth. Lebmyn ew an dedhyow hirra vel an nosow. Gyllys e’wedh ew Calan Ebrel ha Cala Me. Nag ew an gewer tòbm whath, drefen boas mar yeyn an gwenjow, bes en telleryow mes an gwens teg ew hei. Solabres ma lies flowr en prasow ha keow (hag et o lowarth). Bleujyow an gog (guckow) ew teg hedhyw, ha nag ew an brially marow. Ma cajow en pub seson!

Gyllys ew Corawys. Nag eus lily Corawys na fella. Oll marow ens lebmyn, saw en mis Ebrel thera lies o tevy en prasow.  An crenwrais (bulbs) broas a vedh cuntellys en kidnyadh rag boas gwerthys dhe lowarthoryon. 


Gyllys maga ta ew Pask. Du Pask a veu an whetegves dedh a vis Ebrel,  saw thera oyow Pask chocolat ha cònidnas Pask chocolat solabres en mis Whevrel. Pandr' a wra wharvos nessa? A vedh Tasow Nadelik chocolat ha kerwys ergh (reindeer) chocolat e'n shoppas ken Golôwan?



No comments:

Post a Comment