Tabm a Gernow 31

Ma tollow en Kernow. Leun a dollow ew Kernow. Ma tollow broas ha tollow bian. 

Otta toll bian en ke, gwres gen best bian. Ma idhyow glas oll adro. Re vian ew ev rag toll cònin. Martesen rath po meder (field mouse) a'n gwres.

Ma'n toll broas ma dreth ke coth an trenewen dh'y gila. Gwres ew ev, car dre hevel, gen dorgy. An brogh ell tremena dhort an gwel ma dhe'n gwel aral heb odhom a grambla adres an ke.  Nei ell gweles gwredhyow dadn an dor. Ma idhyow obma ewedh, keffres ha cous (wall pennywort).

Ma toll broas obma, pallys gen tüs, rag tedna mes men. Mengleudh ew ev. Nag eus best etto. Nag ew ev toll godhvil. Ûsys ew an men rag bildya treven rag tüs po skiberyow rag bestes wharhes.

Ma toll dadn an dor obma, palys gen gòdhor. Na ellama gweles an toll, bes ma pilyow gòdhor dhe voas gweles.

An gòdhor trüan ma a dheuth mes a y doll, soweth. Carr a dheuth en kettermin, en sewyans an gòdhor a veu gwasgys.

Ma lies toll bian reb gwredhyow gwels. Ma drumbel dran ma o whilas toll rag neyth e'mesk an brially. Nag eus cawel gwenen dhe'n dran.