En Kernow, adro dhe’n
prasow ha gwelyow, ma keow hir rag senjy bestes en teller compes. Fatel ellen nei
moas adres agan honan? Ma odhom a yet po trapp. Ma trei ehen a drapp warlergh
an vorrow coth en Kernow. An moyha kebmyn
ew trappys chattal. Ma hebma war trolergh ogas dhe'n eglos.
Ehen aral ew trapp “coffen”.
Coffen ew toll palys e’n nor. Coffen ew bal ewedh. (Ha coffen gig ew hanow aral rag pasty!) Ma
dhe trapp coffen nebes meyn broas gorrys adreus toll. Na ell bestes moas adreus
heb let. Thens devedhyans “cattle grid”. Possibil o rag benenes jentil gen lostednow
hir dhe gerras (gerdhes) adreus heb caletter.
Kevys ens en treven etekves ha nownjegves cansvledhen: porthow mansyons, manerjiow ha eglosyow e’n powdir. Eglos Lannberan a veu derevys tredh 1803 ha 1805 (gen meyn cottha dhort eglos moy goth e'n treth). Thew an toll en trapp lenwys gen grow e’n eur-ma.
Trapp davas ell boas
kevys en Penwyth, gwres a ven. Nag üjy an trapp ma en Penwyth. Ma va en
Lannberan, ha gwres a vryck ha kestevin ew, bes en gis trapp davas ew.
No comments:
Post a Comment