2025 Day 334

 2025 Dedh Trei Hans Peswardhek warn Ügens

De Sül, degves warn ügens mis Dû

Sunday, 30th November

Mis Dû ew mis còtt. Ma deg dedh warn ügens dhodho. Bes nag ewa an còtta - henn ew Mis Whevrel. Nag eus bes eth dedh warn ügens dhe hedna (marnas en bledhen labm). Hedhyw, an diwettha dedh a'n mis ma, ew specyal rag Alban. Degol Androw lôwen dhe bub onan. Androw ew sans tasek Scotland.

November is a short month. It has thirty days. But it isn't the shortest - that is February. That only has twenty-eight days (except in a leap year). Today, the last day of this month, is special for Scotland. Happy St Andrew's Day to everyone. Andrew is Scotland's patron saint.

2025 Day 333

2025 Dedh Trei Hans Terdhek warn Ügens

De Sadorn, nawes warn ügens mis Dû

Saturday, 29th November

Ma lies pobel ow trîvya aga vanys ha kerry re üskis e'n vorrow bian. Diantel ew rag marhogyon ha marhogesow. Ma own dhe'm kentrevogesow rag aga mergh. Ma othom dhodhans a gemeres gwith. Ma arwòdh e'n ke:"Danjer. Mergh en fordh. Entrans cüdhys." Saw cüdhys ew an arwòdh y honan gen an ke. An dorgeun a dal kebmer gwith e'n vorr, ewedh.

There are many people who drive their vans and cars too fast on little roads. It's dangerous for horse riders. My neighbours are scared for the horses. They have to take care. There's a sign in the hedge: "Danger. Horses on road. Concealed entrance". But the sign itself is concealed by the hedge. The badgers should take care in the road, too.

2025 Day 332

2025 Dedh Trei Hans Dewdhek warn Ügens

De Gwener, ethves warn ügens mis Dû

Friday, 28th November

Nowodhow pur dha rag an tavas Kernôwek! Agan tavas a vedh gwithys der Radn Trei a Chartour Europek rag Tavasow Tiredhek po Minorita. E vedh dhe Gernôwek an keth savla avel an tavosow Keltek erel an Enesow Bretednek - Kembrek, Albanek, Werdhonek ha Godhalek a Enys Mann. Cüdhys ew Kernôwek bys lebmyn gen Radn Dew - bes Radn Trei a vedh moy efan. Pandra vedh gwres gen an Governans rag scodhya agan tavas? Nei a wra gweles!

Very good news for the Cornish language! Our language will be protected through Part Three of the European Charter for Regional or Minority Languages. Cornish will have the same status as the other Celtic languages of  the British Isles - Welsh, Scottish Gaelic, Irish and Manx Gaelic. Cornish has been covered until now by Part Two - but Part Three will be more extensive. What will be done by the Government to support our language? We shall see!

2025 Day 331

2025 Dedh Trei Hans Üdnek warn Ügens

De Yow, seythves warn ügens mis Dû

Thursday, 27th November

Res ew dhebm powes ow gwavy dhe scrifa hebma! My a wra dastifüna et tien en gwenton. Mis Ebrel a vedh mis da.  

I must pause my hibernation to write this! I will wake up properly in spring. April will be a good month.

2025 Day 330

2025 Dedh Trei Hans Deg warn Ügens

De Merher, wheffes warn ügens mis Dû

Wednesday, 26th November

Solabres ma gwenton et ow prederow. Cas ew genam nosow hir. Mall ew genam gweles dedhyow hir arta. Da ew genam mis Meurth ha'n Kehesnos Gwenton.

Already spring is in my thoughts. I hate long nights. I can't wait to see long days again. I like March and the Spring Equinox.

2026 Diw Mil ha Whegh Warn Ügens
Mis Meurth
Seythen	De Lün	De Meurth	De Merher	De Yow	De Gwener	De Sadorn	De Sül
9 naw							1 Degol Dewi
10 deg	2	3 Loor leun (Loor Prev) Difygyans an loor	4	5 Gool Peran	6	7	8
11 üdnek	9	10	11 Diwettha qwarter an loor (hanter loor)	12	13	14	15
12 dewdhek	16	17 Degol Padraig	18	19 Loor nowydh Diwedh An Pesk	20 Kehesnos Gwenton Dallath An Hordh	21	22
13 terdhek	23	24	25 Kensa qwarter an loor (hanter loor)	26	27	28	29 De Sül Bleujyow   Dallath BST
14 peswardhek	30	31

2025 Day 329

2025 Dedh Trei Hans Naw warn Ügens

De Meurth, pempes warn ügens mis Dû
Tuesday, 25th November

Theram ow mires rag dhe nessa bledhen. Leun ew mis Whevrel a dhedhyow specyal. Nag eus rom lowr rag nebes taclow war an calander. Seytegves mis Whevrel e vedh difygyans an howl en radn, rag sampel.

I am looking ahead to next year. February is full of special days. There's not enough room for some things on the calendar. There will be a partial solar eclipse on 17th February, for example.

2026 Diw Mil ha Whegh Warn Ügens
Mis Whevrel
Seythen	De Lün	De Meurth	De Merher	De Yow	De Gwener	De Sadorn	De Sül
5 pemp							1 Loor leun   (Loor Ergh)    Imbolc
6 whegh	2 Degol Maria an Cantollyow	3	4	5	6	7	8
7 seyth	9 Diwettha qwarter an loor   (hanter loor)	10	11	12	13	14	15
8 eth	16	17 Loor nowydh DiwedhAn Deger Dowr De Meurth Enes	18 Dallath An Pesk De Merher Lüjiw Dallath Corawes	19	20	21	22
9 naw	23	24 Kensa qwarter an loor   (hanter loor)	25	26	27	28

2025 Day 328

2025 Dedh Trei Hans Eth warn Ügens

De Lün, pajwora warn ügens mis Dû
Monday, 24th November

Rag fra wrüga vy mos dhe Redrüdh de Sadorn? Drefen bos An Dalva en Kresen Kernow. Thera dogens (dewgens) person moy po le en stevel vrâs po war-linen. Nei wrüg dadhla an tavas. Pandra veu an cowlwrians e'n deg bledhen tremenys. Pandra vedh an vorr (fordh) rag e'n deg bledhen nessa.  Ma othom a bobel moy ow clappya an tavas. Lies Yeth an Werin moy a via pur dha, hag ahosonyow erel dhe ûsya nebes geryow. Bes ma lies person dres mor. Ma othom dhodhans a dhaffar electronyk. Alja skians facyes, gwirhevelepter po gwrionedh moghys bos an gorryp? Solabres whei ell redya neppeth war-linen, bes ma le dhe vos clowys. Ma moy en Kembrek!

Why did I go to Redruth on Saturday? Because The Forum was in the Cornwall Centre. There were more or less forty people in a big room or on line. We discussed the language. What were the achievements in the past ten years? What will be the way forward in the next ten years? We need more people speaking the language. Many more Yeth an Werin would be very good, and other opportunities to use some words. But there are many people abroad. They need electronic resources. Could AI, VR or AR be the answer? Already you can read something on line, but there is less to be heard. There is more in Welsh!

2025 Day 327

2025 Dedh Trei Hans Seyth warn Ügens 

De Sül, tryja warn ügens mis Dû
Sunday, 23rd November

Gav dhebm. Hedhyw nebes clav o vy. Res ew dhebm còsca.

Forgive me. Today I'm a bit poorly. I must sleep.

2025 Day 326

2025 Dedh Trei Hans Whegh warn Ügens 

De Sadorn, nessa warn ügens mis Dû
Saturday, 22nd November

Puppres en Redrüdh theram o qweles an keun. Thens Keun an Stenoryon po Keun Geevor, gwres gen David Kemp. "Whel an Gever" a veu degëys ha thera lies botas rubber dres othom. Keniver kei a veu formys gen seyth botas, nena "cast" en brons. Brons ew kesolcan a sten ha cober. Pur fytty ew hedna dhe verkya an tremenyans radn brâs hag a bris story Kernow. Hedhyw ma pub hond ow tegy myllys ewedh rag cova tüs bal ledhys en bel.  

  

Always in Redruth I see the dogs. They are the Tinners' Hounds or The Hounds of Geevor, made by David Kemp. "The Goats' Mine" was closed and there were lots of redundant rubber boots. Each dog was formed with seven boots, then cast in bronze. Bronze is an alloy of tin and copper. That is very appropriate to mark the passing of a large and important part of Cornwall's history. Today every hound is also wearing poppies in remembrance of miners killed in war. 

2025 Day 325

2025 Dedh Trei Hans Pemp warn Ügens

De Gwener, kensa warn ügens mis Dû
Friday, 21st November

Kelmys o vy dhe howl an gwav, howl isel ha golow. Ma va ow trei liwyow ow terlentry. Ma argan war bedn ow finbrednyer dûlas. Ma lies ehen a las, nag ew "glas" ger lowr. Nebes plansow bythwer (prest gwer) ew gwer po gwerwyn. Heb del glas nag ew an gwedh glas, ha nei ell gweles form an barrednow noth bedn a ebòrn. Nag eus del glas war wedhen-ven ha scorednow brâs an cypreswedhen goth brâs. Thens pecar'a eskern cadnys. 

I'm obsessed with the winter sun, a sun low and bright. It brings sparkling colours. There is silver on top of my dark green pine trees. There are many types of green, "glas" is not an adequate word. Some evergreen plants are bright green or light green. Without green leaves the trees are not green, and we can see the form of the bare branches against the sky. There are no leaves on the trunk and big branches of the big old cypress. They are like bleached bones.