2024 Dedh Dew Cans Trei Ügens ha Seyth
De Lün, tryja warn ügens mis Gwedngala
Monday, 23rd September
Hedhyw my a venja scrifa adro dhe omborth po kespos. De a veu dedh a omborth tredh an sêsons, kehes dedh ha nos. Arwòdh an Zodiak an Werhes a dhiwedhas, ewedh, ha hedhyw arwòdh an Zodiak an Vantol a dhallathas. Kespos ew a vry en pub radn a 'gan bownans. Ma othom dhen a gespos arhanty da ha kespos whel ha bownans da. En Kernow nei ell gweles moy es üdn "Men Omborth" (po Logan) goraswonys. Ow mab gwydn a gar derevel y veyn omborth y hònan (saw gwell via gen an kei gwary gen pel). Ma othom dhe'n maw a vantolly etta rag diwrosya. Colobmen coos a res omborthy dhe sevel war an linen ha hei ow clanhe plüv.
Today I want to write about balance or equilibrium. Yesterday was a day of balance between the seasons, equal length day and night. The Zodiac sign Virgo ended, too, and today the Zodiac sign Libra (the Scales) began. Balance is important in every part of our life. We need a good bank balance and a good work - life balance. In Cornwall we can see more than one very famous "Balanced Stone" or Logan. My grandson loves to build his own balanced stones (but the dog would prefer to play with a ball). The boy needs to balance well for cycling. A wood pigeon has to balance to stay on the line while it is cleaning its feathers.
Geryow rag hedhyw Words for today
An Vantol (Zodiac sign) Libra, The Scales
kespos (m) balance, equilibrium
logan (from PN) poised, rocking (rock)
mantol (f) scales > mantolly to weigh
mantolly to balance, sway > mantollys balanced
men omborth ~ omborh swaying/rocking stone
omberthy to balance, rock, be poised
omborth (m) equilibrium, balanced, poised,
No comments:
Post a Comment