2024 Dedh Dew Cans ha Trei Ügens
De Lün, whetegves mis Gwedngala
Monday, 16th September
Teleryow teg en Kernow ew lies hag a lies ehen. Ema keffres lies âls ha lies treth reb an mor. Agan morrep ew hir. Whei ell gweles an mor dhort an menedhyow, heb bos reb an mor. Ma dhen lies menedh a lies brâster. Ew da genowgh crambla (po scrambla)? Ma carnow keffres ha aljow. Da ew genam gwedh ha keow. Ma dhen còsow rag gôdhvownans ha prasow rag bestes ha gwelyow rag trevajow. Dhort an gwelha trolergh vy my ell gweles lies.
Beautiful places in Cornwall are numerous and varied. There are many cliffs as well as many beaches by the sea. Our seashore is long. You can see the sea from the hills, without being beside the sea. We have many hills of many sizes. Do you like climbing (or scrambling)? There are tors as well as cliffs. I like trees and hedges. We have woods for wildlife and meadows for animals and fields for crops. From my favourite footpath I can see a lot.
Deg ger rag hedhyw Ten words for today
a lies ehen varied, of many types
âlsyow ~ aljow cliffs, coast < âls (m)
carn (m) tor
crambla to climb (SWFM krambla)
gôdhvownans (m) wildlife
keffres ha as well as
lies numerous, many, lots
menedhyow hills, mountains
morrep ~ morreb (m) seashore, seaboard
reb by, beside, next to (SWFM ryb)
No comments:
Post a Comment