2024 Dedh Cans Pajar Ügens hag Etek
De Meurth, whetegves mis Gorefen
Tuesday, 16th July
Res veu dhebm kerdhes dew vildir dhe'n treth. Na wrüga vy mos e'n mor rag neyja na byldya castilly treth. Na wrüg. Ma'n chei yehes ogas dhe'n treth. E veu othom dhe'm medhek a sampel, nebes millilitrow a wooj, dhe whithra gweythres an lonethy. An dharbarores yeheswith o pur üskis hag abyl. Rag hedna thera termyn luck dhebm rag sedha reb an treth ha mires orth oll an düs ha'n edhyn, ken kemeres tre an kyttrin scol. An chôkys ha gullys ew bold (po gwag)!
I had to walk two miles to the beach. I did not go in the sea for a swim or build sand castles. No. The health centre is near the beach. My doctor needed a sample, several millilitres of blood, to test kidney function. The healthcare assistant was very quick and efficient. Therefore I had enough time to sit by the beach and watch all the people and birds, before taking the school bus home. The jackdaws and seagulls are bold (or hungry).
Deg ger rag hedhyw Ten words for today
abyl able, efficient
byldya to build
castilly treth sand castles < castel treth (m)
chei yehes (m) health centre
darbarores (f) assistant (d>dh after an)
gooj ~ goos (m) blood (go>wo after a of)
gweythres (m) function, working, etc.
lonethy kidneys < loneth (f)
ogas dhe near, close to
whithra to test, check, examine
yeheswith healthcare
No comments:
Post a Comment