2025 Dedh Dogens ha Seyth
De Sül, whetegves mis Whevrel
Sunday, 16th February
Da ew genam scrifa darallys rag flehes - darallys a'n bobel vian rag pobel vian! Nag o vy cowldevys lowr dhe scrifa whedhlow rag tevesygyon. Ma dhebm flehes wydn a ell gosowes ort ow raldharalla. Ellama presentya onan a'm gwariers - Mehal Marthys! Gorgath pur goth ha stranj ew ev, dû ha blewek. Pandra wra va gwil et ow whedhal? A alja va bos "Best Goon Bren"? Kevys veu va ha horydh gevellesow ow whilas olifanjes gwydn e'n soler aga dama wydn. A venjo whei godhvos moy?
I like writing tales for children - fairy tales for little people! I'm not grown-up enough to write yarns for adults. I have grandchildren who can listen to my nonsense talk. May I introduce one of my players - Marvellous Michael. He is a very old and strange tomcat, black and hairy. What will he do in my story? Could he be the "Beast of Bodmin Moor"? He was found while twin sisters were looking for white elephants in their grandmother's attic. Would you like to know more?
Geryow rag hedhyw Words for today
cowldevys ~ leundevys grown-up, fully grown
daralla a'n bobel vian (m) fairy tale
< pobel vian (pl.) fairies, little people
gevellesow twins < geveles (f) < gevel (m) > gevellyon
godhvos to know
Goon Bren (PN) Bodmin Moor
gorgath (m) tomcat
gwarier (m) player, actor, character
horydh sisters < hôr (f)
kevys found < vb. cavas to find
olifanjes ~ olifanses elephants
raldharalla (m) nonsense, drivel,bs
soler (m) attic, gallery, loft
tevesygyon (pl.) grown-ups, adults < tevesyk (m) > tevesyges (f) > tevesygesow (pl.)
whilas to look for, seek
No comments:
Post a Comment