2024 Dedh Dew Cans ha Dewgens
De Meurh, seythves warn ügens mis Est
Tuesday, 27th August
Nei ell trouvya an daralla Jôwan Chei a Hordh en nebes vercyons. Scrifys veu an kensa, en Kernôwek Diwedhes, gen Nicholas Boson, marchant puskes dhort Lulyn. An nessa a veu leverys dhe Edward Lhuyd gen John Boson (mab Nicholas). Venten a bris ens rag an tavas moy diwedhes. Rag fra ma treylyansow en KK ha KS? Nag ew an daralla y hònan meur dhe les. Thew daralla keswlasek. Rag fra wrüg Boson dewis an daralla ma? Ma darallys erel lowr. Saw aljava bos a bris? Ellen nei redya tredh an linednow? E'n daralla ma nebes poyntys a skians. An kensa: "Na wrewgh gara an vorr (fordh) goth rag an vorr (fordh) nowydh." Sevys o Nicholas dres an rayn Metêrn Charles I. Tho hedna y "vorr goth". Nena thera bresel tredh Metêrn ha Senedh. An Metêrn a veu gòrrys dhe'n mernans ha'n wlas a dreylyas Poblegeth. "Vorr nowydh" Boson a veu hedna. Nag o Protestantieth extrem meurgerys gen Kernôwyon. War an diwedh an Restoryans a dhros Metêrn nowydh (Metêrn Charles II). Devedhys tre veu an "vorr goth" ha Boson a scrifas an daralla. An diwettha linen: ... "ha na veu üdn froth na miken na tra war an norves". Sür o vy dr'o hedna whans Boson ewedh.
We can find the story of John of Ram's House in several versions. The first, in Late Cornish, was written by Nicholas Boson, a fish merchant from Newlyn. The second was told to Edward Lhuyd by John Boson (Nicholas's son). They are an important source for the later language. Why are there translations into Common Cornish and Standard Cornish? The story itself is not very interesting. It is an international story. Why did Boson choose this story? There are plenty of others. But could it be important? Can we read between the lines? In the story there are several points of wisdom. The first: "Do not leave the old way/road for the new way/road." Nicholas was raised during the reign of King Charles I. That was his "old way". Then there was conflict between King and Parliament. The King was executed and the land became a Republic. That was Boson's "new way". Extreme Protestantism was not popular with Cornish people. Eventually, the Restoration brought a new king (King Charles II). The "old way" had come back and Boson wrote the story. The last line: ... "and there was not one disagreement nor animosity nor anything in the world." I'm sure that was Boson's wish, too.
Deg ger rag hedhyw Ten words for today
a bris important
bresel (m) conflict, dispute
daralla (m) story, tale, yarn, fable
dhe les interesting, advantageous, beneficial
gwlas (f) land, kingdom, country
keswlasek international
poblegeth (f) republic
Protestantieth (f) Protestantism
skians (m) wisdom
venten ~ fenton (f) source, origin
vercyon (m) version
No comments:
Post a Comment