2024 Dedh Trei Hans ha Nawnjek
De Yow,pajardegves mis Dû
Thursday, 14th November
An seytegves cansbledhen o termyn pa wrüg powyow a Europ ystyn ha desedha trevesigethow e'n Bes Nowydh. Thera kesstrif ha escarogeth tredh Breten Veur ha Spayn. Thera fortyns dhe vos gwaynys dhort owr, kenwerth, kethneth - ha morladrynjy. Thera porth dhe'n morlû Bretednek en Port Royal, Jamaica - trevesigeth vrâs. Tho leun a sherewynsy, medhewnep, horyans - ha morladòrn. Hei a veu destriys en 1692 gen dorgrys ha hûjes gordodn. 'Sorr devîn' emèdh an bobel. Wòja hedna Kingston o an pednplas. Fatel ew hedna dhe les rag Kernow? En eglos Paul whei ell gweles men co rag mester, Capt. Stephen Hutchens. Ev a verwas, den rych, en Port Royal en 1709, ha encledhys ew ev en Kingston. Ev a ros mona dhe'n eglos ha dhe'n pluw. Mar medno whei gweles an strêtys Port Royal whei a res sedhy dadn an mor.
The seventeenth century was a time when European countries expanded and established colonies in the New World. There was competition and enmity between Britain and Spain. There were fortunes to be won from gold, trade, slavery - and piracy. The British navy had a port in Port Royal, Jamaica - a large colony. It was full of wickedness, drunkenness, prostitution - and pirates. It was destroyed in 1692 by an earthquake and a huge tsunami. 'Divine wrath' the people said. After that Kingston was the capital. How is that interesting for Cornwall? In Paul church you can see a memorial for a sea-captain, Capt. Stephen Hutchens. He died, a rich man, in Port Royal in 1709, and he is buried in Kingston. He gave money to the church and to the parish. If you want to see the streets of Port Royal, you must dive under the sea.
Geryow rag hedhyw Words for today
desedha to establish, found, set in place
dorgrys (m) earthquake
encledhys buried
escarogeth (f) enmity
gordodn (m) tsunami, tidal wave
horyans ~ hora (m) prostitution
kenwerth (m) trade, commerce
kethneth (f) slavery
medhewnep (m) drunkenness
morladòrn pirates < morlader (m)
morladrynjy (m) piracy
sedhy to dive
sherewynsy (m) wickedness, sin
sorr (m) wrath, anger
trevesigethow colonies < trevesigeth (f) settlement
ystyn to expand, extend
No comments:
Post a Comment