2024 Dedh Dew Cans Trei Ügens ha Pajar
De Gwener, ügensves mis Gwedngala
Friday, 20th September
Da ew genam gwil pictours! Thera vy ow tremena re a dermyn ow scrifa, bes my a dal trouvya meur a dermyn rag lymna. My wrüg pe ow eseleth bledhydnek (ügens pens) rag Cowethyans Art Truru, ha cuntellyansow a wra dallath en scon. Ma dhebm copart leun a daffar art! Res ew dhebm orna ow liwyow ha scubylednow paynt. Ma othom dhebm a liwyow dowr rag an kensa cuntellyan. Ma dhebm pibednow ha gwelydny bian.
I like making pictures! I spend too much time writing, but I ought to find more time for painting. I've paid my annual membership (£20) for Truro Art Society, and meetings will start soon. I have a cupboard full of art materials! I must sort out (organise) my paints and paintbrushes. I need watercolours for the first meeting. I have tubes and little sticks.
Deg ger rag hedhyw Ten words for today
bledhydnek annual
cowethyans (m) society
cuntellyansow meetings, gatherings
daffar (coll.) equipment, kit, materials, etc.
eseleth (m) membership
liwya to colour, paint < liw (m) > liwyow colours (liw ~ liv can also mean flood)
lymna to paint > lymnans (m) painting
pe to pay (for)
pictour (m) picture
scübylen baynt (f) paintbrush > pl. scübylednow paynt
tremena to spend time, pass
No comments:
Post a Comment