2023 Day 261

2023 Dedh Dew Cans Trei Ügens ha Wonan

De Lün, etegves mis Gwedngala

Monday, 18th September

Thera livyow dhe nebes vorrow en Caresk drefen an glaw. Thera glaw òbma ewedh, saw nag o mar dhrog. An vôwnder ew nebes slotterüs, saw whath nag eus dowr lowr rag an gover. Lôwen ew an kernogow dû dadn an geryn law, ha thew tycky-Duwes ha gohy da lowr.  

Several roads in Exeter had floods because of the rain. There was rain here too, but it was not so bad. The lane is a bit muddy, but there still isn't enough water for the stream. The toads under the rain butt are happy, and butterflies and wasps are OK. 

2023 Day 260

2023 Dedh Dew Cans ha Trei Ugens

De Sul, seytegves mis Gwedngala

Sunday, 17th September

E'n jedh hedhyw thew an ys trehys gen jynn. Moy uskis ew hedna avel myjy en termyn eus passyes gen falgh. E'n dedhyow na thera othom a lies myjer. Diwedh an drevas o caws rag golya gool deys.  Hencov ew dasvewys e'n west - henn ew "Creia Pedn an Yar". An diwettha splatt ys e'n diwettha gwel ew gerys dhe vos trehys gen dorn, ow usya falgh. An gwelha tysken ew dewys ha senjys emann en pajar tu (howldrevel en kensa). An tiek a dal leverel, "My a'n cav". An dus a grei, "Peth eus dhis?" Ev a worrib,"Pedn a yar! Pedn a yar! Pedn a yar!" (teyrgweyth) Nena an tysken ew kemerys dhe'n eglos.

Nowadays the corn is cut by machine. That is faster than in the past with a scythe. In those days it needed lots of reapers. The end of the harvest was a cause to celebrate "Guldize" (harvest festival). A tradition is revived in the west - that is "Crying the Neck". The last patch of corn in the last field is left to be cut by hand, using a scythe. The best sheaf is picked and held up high in four directions (east first). The farmer should say, "I 'ave un." The people cry, "What 'ave 'ee?" He answers, "A neck (a chicken head)!" three times. Then the sheaf is taken to the church.

2023 Day 259

 2023 Dedh Dew Cans Nawnjek ha Dogens

De Sadorn, whetegves mis Gwedngala

Saturday, 16th September

Nei a wel oll sortow a garyans en Kernow - war vorrow, cledhrednow ha dowr. Terwedhyow ma strîf tredhans! An pons ma en Truru a veu derevys ken oos a'n kyttrin hir. An kyttrin ma a dalvia bos e'n cres an vorr. E veu droglam - shyndys ew an pons ha'n kyttrin. Dewdhek mildir alebma en Falmouth ma hujes lester. Pur rych ew perhen an lester - thew an kyttrin rag pobel moy bohojek.

We see all sorts of transportation in Cornwall - on roads, rails and water. Sometimes there is conflict between them! This bridge in Truro was built before the age of the tall bus. This bus should have been in the middle of the road. There was an accident - the bridge and the bus are damaged. Twelve miles away on the water in Falmouth there is a huge vessel. The owner of the vessel is very rich - the bus is for poorer people.

2023 Day 258

2023 Dedh Dew Cans Etek ha Dewgens

De Gwener, pemdhegves mis Gwedngala

Friday, 15th September 

"En hav per co gwav," ew lavar coth. Nag ew hav lebmyn ha nag era vy ow pedery a wav. Kidnyadh ew ev lebmyn ha ma ow thybyansow war gwenton. Mis Me ew an diwettha mis a wenton ha my a res mos rag gans ow halander rag nessa bledhen. Bes pandr'ew res dhebm dewis rag pictour?

"In summer remember winter," is a proverb. It is not summer now and I am not thinking of winter. It is autumn now and my thoughts are on spring. May is the last month of spring and I must go on with my calendar for next year. But what must I choose for a picture?

2023 Day 257

2023 Dedh Dew Cans Seytek ha Dogens

De Yow, pajardegves mis Gorefen

Thursday, 14th September

Ma mûsek wheg e'n keow. My ell clowes rüdhek ow cana, saw na ellama y weles. Ma idhyow oll adro ha ma nôt deffrans ow tos dhort hedna. Ma va ow whirny ha sia. Leun ew an ayr a siow. Ma gwenenen gen lost gwydn. Ma lies ehen a wenen ha qwilkyoresow pòrposys dhe guntel nectar ha podn a'n flourys. Ma kelyonen pecar'a jowal gwer. An brassa radn an tycky-Duwes ew re üskis po re a-bell.

There is sweet music in the hedges. I can hear a robin singing, though I can't see it. There is ivy all around and a different note comes from that. It is buzzing and humming. The air is full of humming. There's a bee with a white tail. There are many kinds of bees and wasps intent on collecting nectar and pollen. There's a fly like a green jewel. Most butterflies are too fast or too far away.

2023 Day 256

2023 Dedh Dew Cans Whetek ha Dogens

De Merher, terdhegves mis Gwedngala

Wednesday, 13th September

Ew an niver terdhegves anfujik? Hedhyw my a gemeras an kei dhe weles an medhek bestes. Nag o va clav ha nag era eskern terrys dhodho. Nebes whadnek ew ev ha na ell ev gwitha dhort cravas. Ma crohen ev ow tebra. Nag ew an kei fortudnyes. An medhek bestes a ornas medhakneth rag an kei - dew ehen a belednow. Pelen poyson rag an whydn - onan pub mis, ha fysek rag an losk - onan pub dedh rag deg dedh. An cost? Moy es pajar ugens pens ha deg. Nag o vy fortudnyes! 

Is the number 13 unlucky? Today I took the dog to see the vet. He was not ill and he had no broken bones. He's a bit flea-bitten and he can't stop scratching. His skin itches. The dog is not lucky. The vet prescribed medication for the dog - two types of pills. A poison pill for the fleas - one a month, and treatment for the inflammation - one a day for ten days. The cost? More than £90. I am not lucky! 

2023 Day 255

2023 Dedh Dew Cans Pemdhek ha Dewgens

De Meurth, dewdhegves mis Gwedngala

Tuesday, 12th September 

Overdevys oll gen idhyow ew an spern gwydn e'n ke. Ma lies delen ha flourys glas kemyskys gen mor rüdh. Ew an bern re boos rag an wedhen na? A wra gwedhen codha en gwens crev? Ma meur a voos, lies moren rüdh, rag an edhyn lebmyn. Nag eus othom dhodhans a dhos dhe'n lowarth rag browyon po has. Ma idhyowen en pub le. Moy diwedhes e vedh mor idhyow dû rag an edhyn. Ma plansow erel ewedh: dreys, gwedhros, breylu.

The hawthorns in the hedge are completely overgrown by ivy. There are many green leaves and flowers mixed with red berries. Is the load too heavy for that tree? Will a tree fall in a strong wind? There's much food, many red berries, for the birds now. They don't need to come to the garden for crumbs or seeds. There are holly bushes everywhere. Later there will be black ivy berries for the birds. There are other plants too; brambles, honeysuckle, roses.

Geryow hedhyw: Words today

bern (m) load

(re) boos (too)  heavy < poos

browyon (pl.) crumbs

delen (f)  leaf < coll. del

edhyn (pl.) birds < sing. edhen (f)

has (coll.) seeds > sing. hasen (f) 

idhyow (coll.) ivy > sing. idhyowen (f)

mor (coll.) berries > sing. moren (f)

overdevys oll compeletely overgrown

(a) voos (of) food < boos (m)