2026 Day 272

2026 Dedh Dew Cans Trei Ügens ha Dewdhek

De Meurth, nawes warn ügens mis Gwedngala

Tuesday, 29th September

Ma'n gwens ow tos dhort an soth, etho nag ew an gewer yeyn. Thera glaw dhen - ha whath ma glaw dhen.  Ma Natûr ow tos a-dro wòja an hav tòbm ha segh. Pecar'a gwenton ew hei a-der kidnyadh. Ma briallen ha preven blewek dhebm. Eus termyn lowr rag displegyans pelha an preven ken dos an rew?  A vedh tycky-Duw e'n gwenton gwir?

The wind is coming from the south, so the weather is not cold. We had rain - and still we have rain! Nature is recovering after the hot dry summer. It is like spring rather than autumn. I have a primrose and a hairy caterpillar! Is there enough time for the caterpillar's further development before the frost comes? Will there be a butterfly in the true spring.

Deg ger rag hedhyw Ten words for today

a-der rather than

displegyans (m) development

dos a-dro to recover, come about, come round

dos dhort to come from

gwav winter

gwenton spring

hav summer

kidnyadh autumn

pecar'a (SWFM kepar ha) like

preven blewek (m) hairy caterpillar

2026 Day 271

2026 Dedh Dew Cans Trei Ügens ha Üdnek

De Lün, ethves warn ügens mis Gwedngala
Monday, 28th September

Piw a venja mos dhe'n treth? Gero nei cawas dehen rew en kensa! Ma lety pur dha en Perran. Mons ow cül an gwelha dehen rew. Nei alja parkya reb an daras. Ma lies sawarn dha dhodhans; nag eus blas drog emeskans. Pana sawor ew da genowgh? Mor cala, en côn, ew da gans ow gour. Flehes a res cawas dehen rew en kibel vian - le plos ew hedna. Lôwen o vy gen côn dehen rew rumm ha grappys sehys. Pur sawrek ew.

Who'd like to go to the beach? Let's get ice cream first! There's a very good dairy in Perran. They make the best ice cream. We could park by the door. They have a lot of good flavours; there's not a bad taste among them. What flavour do you like? My husband likes strawberry, in a cone. Children have to have ice cream in a small tub - that is less messy! I am happy with a rum and raisin ice cream cone. It's very tasty.

Deg ger rag hedhyw Ten words for today

blas (m) taste, scent (usually bad)

côn dehen rew (m) ice cream cone

kibel (f) tub (size not specified!)

mor cala (coll.) strawberry

parkya to park a vehicle or enclose land

plos messy, dirty

rumm or dowr tòbm Lollas (m) rum

sawarn (f) flavour, taste, scent

sawor (m) flavour, taste, scent

sawrek ~ sawrüs tasty, flavoursome

2026 Day 270

2026 Dedh Dew Cans Trei Ügens ha Deg

De Sül, seythves warn ügens mis Gwedngala

Sunday, 27th September 

Soweth, glaw a wra ha gwenjek ew hei. Ow mab a wra dos gans y dhew vab. Ma whans dhen mos dhe neb telher wheg et y garr brâs. Bès eus telher wheg e'n glaw? An treth ew da gen an flehes, ha'n park gwary magata. Saw nag ew na treth gleb na park gleb pur dha. Na ell an flehes mos dhe'n tavern! Ma othom dhe vabm an flehes a stüdhya en cosel. Martesen an glaw a wra hedhy. Whath thew mettin a-bres. My a vedn madra towl an gewer. E'n gwelha pres, ma mir da lowr dhe'n dohajedh.

Sadly, it's raining and it is windy. My son will come with his two sons. We want to go to somewhere nice in his big car. But is there a nice place in the rain? The children like the beach, and the playpark as well. But neither a wet beach nor a wet park is very good. The children can't go to the pub! The children's mum needs to study quietly. Perhaps the rain will cease. It is still early morning. I will study the weather forecast. Fortunately, the afternoon looks OK.

Geryow rag hedhyw Words for today

e'n gwelha pres luckily, fortunately

hedhy to stop, cease, etc.

madra to study, peruse, c ontemplate, etc.

ma othom a there is need of, it needs

soweth! sadly, alas, unhappily, oh dear, etc.

stüdhya to study

towl an gewer (m) the weather forecast

2026 Day 269

2026 Dedh Dew Cans Trei Ügens ha Naw

De Sadorn, wheffes warn ügens mis Gwedngala

Saturday, 26th September

Gellys ew Kehesnos Kidnyadh, gellys ew arwòdh an Zodiak an Werhes, ha devedhys ew arwòdh an Zodiak an Vantol. Ma kidnyadh òbma en certan. Ha otta an kensa loor leun kidnyadh. Hy hanow hengovek ew Loor Trevas, ke veu trevajow a-varr e'n vledhen ma. Avorow e vedh gool deys e'n eglos.

Gone is the Autumn Equinox, gone is the Zodiac sign Virgo, and arrived is the Zodiac sign Libra (the Scales). Autumn is certainly here. And here's the first autumn full moon. Its traditional name is Harvest Moon, though there were early harvests this year. Tomorrow there will be a harvest festival in the church.

2026 Day 268

2026 Dedh Dew Cans Trei Ügens hag Eth

De Gwener, pempes warn ügens mis Gwedngala

Friday, 25th September

Pandr'ew hedna war an dor dadn an wedhen reb an ke? Ma'n wedhen dadn gabel electrek. Eus kevren? Pil a blüv ew.  Plüv ens dhort colobmen coos. Ma lies plüven vian. A veu hei tredanladhys? Nag eus corf. Martesen hei a veu kemerys dhe ves gen neb best. Ma lewern, dorgeun, oulys ha bargejyas e'n qwartron ma. Terweythyow thera vy ow clowes best en termyn an nos. Ma lowarn ow hartha, ha ma dew oula. Ma'n eyl ow creia "too wit" hag y gila "too woo"!

What is that on the ground under the tree by the hedge? The tree is under an electric cable. Is there a connection? It's a pile of feathers. They are feathers from a wood pigeon. There are a lot of little feathers. Was it electrocuted? There is no body. Perhaps it was taken by some animal. There are foxes, badgers, owls and buzzards in the neighbourhood. Sometimes I hear animals at night time. A fox barks, and there are two owls. One cries "too wit" and the other "too woo"!

2026 Day 267

2026 Dedh Dew Cans Trei Ügens ha Seyth

De Yow, pajwora warn ügens mis Gwedngala

Thursday, 24th September

Ew hebma rew pow glouth poos e'n mettin a-varr? Yeyn o, saw nag o yeyn lowr rag rew, na whath. Lebmyn howl a wra ha gellys ew brâssa radn a'n glebor. An gweres ew tòbm lowr ha gleb lowr rag bulük ha bestes bian erel. A wrüg an gòdhor palas pil gòdhor moy hag ev ow whilas neppeth dhe dhebry? Po ew hebma crüg moryan nowydh? Üjy an gòdhor ow tebry mòryon?

Is this frost or heavy dew in the early morning?

It was cold, but it was not cold enough for frost, not yet. Now the sun is shining and most of the moisture has gone. The soil is warm enough and damp enough for earthworms and other little animals. Did the mole dig another mole-hill as it was looking for something to eat? Or is this a new ant-hill? Is the mole eating ants?

Nebes ger rag hedhyw Some words for today

bulük (coll.) earthworms > bulügen (f) 

gellys gone (va of mos to go)

glebor (m) moisture, dampness, wetness

glouth (coll.) dew > gluthen (f) dew-drop

gweras (m) soil 

mòryon (coll.) ants > mòryonen (f)

pil gòdhor (m) molehill

rew (m) frost

whilas to seek, look for

2026 Day 266

2026 Dedh Dew Cans Trei Ügens ha Whegh

De Merher, tryja warn ügens mis Gwedngala
Wednesday, 23rd September

Kehesnos lôwen! Ma puptra ow treylya. De an jedh a veu hirra vel an nos. Avorow an jedh a vedh cottha vel an nos. Ma'n loor ow cressya; scon hei a vedh leun. Ma mir dhedhy pur vrâs ha spladn haneth, a-dhelher dhe'n gwedh ha cloudys. Ma'n gwedh ow cressya ewedh, tabm ha tabm, dedh wòja dedh. En kensa bian enjei, nena thens re hir ha res bos trehys iselha. A ellowgh gweles an deffrans tredh an dhew fotos ma (hav ha kidnyadh)? Res veu an capel electrek bos gwres saw rag an gwav. E vedh gwens.  

Happy Equinox! Everything is changing. Yesterday the day was longer than the night. Tomorrow the day will be shorter than the night. The moon is waxing; soon it will be full. It looks very big and bright tonight, behind the trees and clouds. The trees are increasing too, bit by bit, day after day. At first they are small, then they are too tall and have to be cut lower. Can you see the difference between these two photos (summer and autumn)? The electricity wire had to be made safe for the winter. There will be wind.

2026 Day 265

2026 Dedh Dew Cans Trei Ügens ha Pemp

De Meurth, nessa warn ügens mis Gwedngala

Tuesday, 22nd September

Tew ew an ayr gen son a wenen e'n ke. Overdevys ew an colwedh gen idhyow. Ma'n idhyow ow pleujowa ha meurgerys ew an flourys gen gwenen blewek gwyls. Ass ew wheg an bestes bian ma! Trink ew an mor dû lebmyn - nag ens da gen nagonan. 

The air is dense with the sound of bees in the hedge. The hazel trees are overgrown with ivy. The ivy is in flower and the flowers are much loved by the wild hairy bees. How sweet these little animals are! The blackberries are sour now - nobody likes them.

2026 Day 264

2026 Dedh Dew Cans Trei Ügens ha Pajar

De Lün, kensa warn ügens mis Gwedngala

Monday, 21st September

Ma'n gewer ow treylya. Gellys ew howl an hav ha'n tòbmder. Gellys ew an dedhyow hir. Nag eus othom dhen a 'gan dilhas hav na velha. Nei ell gòrra a-drenewen agan hevejyow ha powsyow hav cotton scav ha drei mes agan frâwkys poos, agan cardigans ha gwlânegow erel. En scon nei a vedh gweskys en côtys stanch ha bombadys (botys stanch). Anjei ell bos costek, bes gwell ens avel treys gleb.

The weather is turning. Gone is the the summer sun and the heat. Gone are the long days. We no longer need our summer clothes. We can put aside our lightweight cotton shirts and summer dresses and bring out our heavy jerseys,  our cardigans and other woollies. Soon we will be clad in waterproof coats and wellingtons (waterproof boots). They can be expensive, but they are better than wet feet.

2026 Day 263

2026 Dedh Dew Cans Trei Ügens ha Trei

De Sül, ügensves mis Gwedngala
Sunday, 20th September

Ma lydn en Stedhyan. Creun ew ev, gen dowr er rag oll an bobel e'n pow adro. Saw nag ewa leun. Thewa le avel hanter leun. Nei a res bos sparüs gen agan ûsyans dowr. Gwenton ha hav o segh, segha vel herwedh ûsadow. Nag era glaw lowr dhe witha an creun leun, ha oll an dowrow ew isel ewedh. Teg ew Lydn Stedhyan, ha meurgerys rag mires orth edhyn (rag sompel lagyoryon). An dor a veu pebys calys e'n hav pur dòbm ha'n gwels a verwas. A-dhiwedhes e veu nebes glaw dhen ha ma'n dor ha'n gwels ow tos a-dro arta. Lebmyn medhal lowr ew an dor rag an godhes dor dhe balas.   

There is a lake in Stithians. It is a reservoir, with fresh water for all the people in the surrounding countryside. It is less than half full. We must be sparing with our water usage. Spring and summer were dry, drier than usual. There was not enough rain to keep the reservoir full, and all the rivers are low as well. Stithians Lake is beautiful and popular for watching birds (e.g. waders). The ground was baked hard in the very hot summer and the grass died. Recently we had some rain and the ground and grass are recovering. Now the ground is soft enough for the moles to dig.

STITHIANS (S. Stethyane 1268, Stythian 1584)

Stedhyan “St Stethyan” 

2026 Day 262

2026 Dedh Dew Cans Trei Ügens ha Dew

De Sadorn, nawnjegves mis Gwedngala

Saturday, 19th September

Richard Symonds et y jornal a scrifas "deeber" rag an ger Sowsnek "saddle". Bès pehan o diber y vargh? Pandr'ew diber? Diber ew esedh rag marrak po marhoges war geyn an margh. Dibrow ew gwres gen dibrer (po dibrores). Creft pur goth ew. Anjei a res bos esy rag an margh keffres ha'n marrak, etho stoffys ens, provies gen padn. Ma framweyth ewedh, henwys an "gwedh", gwres a bredn crev (martesen fowwedhen). Ma hedna ow tiberthy poos an marrak war geyn an margh ha difres y ascòrn keyn. Ma'n diber ow scodhya an marrak. Heb diber ev alja codha. Marhoga keyn nodh ew anes ha calys. Dibrow hengovek ew gwres a grohen. An re modern alja bos synthetek. Ma lies ehen rag pòrposys deffrans. Anjei ell bos pur gostek, moy es seyth mil pens rag an gwelha.

In his diary Richard Symonds wrote "deeber" for the English word "saddle". But what was his horse's saddle like? What is a saddle? A saddle is a seat for a horseman or horsewoman on the horse's back. Saddles are made by a saddler. It is a very old craft. They must be comfortable for the horse as well as for the rider, so they are stuffed, provided with padding. There's a framework too, called the "tree", made of strong wood (perhaps beech). This distributes the rider's weight on the horse's back and protects its spine. The saddle supports the rider. Without a saddle he could fall. Riding bare-back is uncomfortable and hard. Traditional saddles are made of leather. Modern ones could be synthetic. There are many types for different purposes. They can be very expensive, more than £7000 for the best.

Deg ger rag hedhyw Ten words for today

anes uncomfortable < esy comfortable

ascòrn (an) keyn (m) spine < keyn (m) back

diber (m) saddle > pl. dibrow

dibertha ~ diberthy to distribute

dibrer (m), dibrores (f) saddler

difres to protect

fowwedhen (f) beech (tree)

poos (m) weight

predn (m) wood (material)

scodhya to support

2026 Day 261

 2026 Dedh Dew Cans Trei Ügens hag Onan

De Gwener, etegves mis Gwedngala

Friday, 18th September

Pandra wra vy scrifa? Pandr'ellama scrifa? Nag eus bres veth et ow fydnyon! Nag eus towl dhebm. Nag o vy awenys. Nag üjy an geryow own ow tos. Eus tra veth specyal adro dhe'n jedh ma? Na wöra vy. Na ella vy remembra poran! Martesen awen a vedn dos avorow. E vedh neppeth gwell dhe scrifa, ma esperans dhebm.  

What shall I write? What can I write? There's not a single thought in my brain! I don't have a plan. I am not inspired. The right words are not coming. Is there anything special about this day? I don't know. I cannot remember exactly! Perhaps inspiration will come tomorrow. There will be something better to write, I hope.

2026 Day 260

2026 Dedh Dew Cans ha Trei Ügens

De Yow, seytegves mis Gwedngala

Thursday, 17th September

En Gwav mil naw cans dogens ha trei, en "Kernow Goth", lever termyn Keffresyans Cowethasow Kernow Coth, rôl a eryow Kernôwek a veu dyllys. Termyn an dyllans o Secònd Gwerryans an Bes; an rôl a eryow a veu dhort Gwerryans Civil en Pow an Sowson. Thera vy ow scrifa daralla adro dhe vergh, ha ma othom dhebm a nebes geryow. Et ow daralla ma nebes geryow e'n rôl ma, saw deffrans ew an spellyans lebmyn. Nag o Richard Symonds Kernow, saw ev a vettyas gen Kernowyon en Bresel Lostwydhyel. 

In Winter 1943, in Old Cornwall, the periodical of the Federation of Old Cornwall Societies, a list of Cornish words was published. The time of publication was the Second World War; the list was from the English Civil War. I'm writing a story about horses, and I need several words. In my story there are some words in this list, though the spelling is different now. Richard Symonds was not a Cornishman, but he met Cornishmen at the Battle of Lostwithiel.

Richard Symonds 1644

Civil War Diary

Vocab:

House, chy;
tree, guethane;
man, dene,
child, flo;
hog, ragamo;
horse, marh;
mare, casick;
dog, kie;
saddle, deeber;
bridle, frodin;
hand, dorne;
leg, gar;
foot, troos;
eye, lagesse;
nose, frigo;
arme, breach;
mouth, ganno;
boy, mao;
girl, mose;
sword, clitha;
scabbard, goon;
towne, tre;
1, onan;
2, deu;
3, try;
4, padger;
5, pemp;
6, whe;
7, sith;
8, ath;
9, naw;
10, deag;
11, idnac;
12, douthac;
13, tarthac;
14, pedgwarthac;
15, pemthac;
16, wheetaeck;
17, sitack;
18, ithac;
19, nounjack;
20, ygans;
100, kans.
God save you, Dew ragges blessye;
I thanke you, Gad marshe;
God be with you, Bedna tew thew;
wish you well, Dieu rew grace thew gilda;.
2 rude words left out RMN???

OC Vol.IV No 2 Winter 1943