2021 Day 26

 2021 Dedh Whegh warn Ügens

De Meurth, wheffes warn ügens mis Genver

Tuesday, 26th January

Jorna loos! "Glas" o an mor ha "glas" o an ebòrn, saw hedhyw tho an "glas" moy avel loos a-der blou. Gleb o an ayr. An glaw a wrüg golhy an liw mes a'n ebòrn. Re leb ew rag ow hamera. Res ew dhebm ûsya fôtôs coth. Na veu ergh dhe nei, saw thera ergh en Swindon. Agan mebyon wydn a wras den ergh en park. "Pandr'ew an dewlagas?" "Sethednow." "Pandr'ew an frigow?" "Sethen." "A nag eus caretesen rag an frigow?" "Nag eus caretesen en park." "Pandr'ew an bòtonyow?" "Sethednow." "Pandr'ew an defra?" "Sethednow. Ma sethednow e'n park." "Ma va ow teudha lebmyn." Nag eus ergh lowr e'n pow ma rag skia, ha nag eus yey lowr rag skittra naneyl. Na ell an flehes slynkya en telher veth. O an seytegves cansbledhen moy yeyn? Ma'n düs ma ow skittra war gleudh po lagen rewys. L.S. Lowry a liwyas ergh en Manchester. Nag o hedna teg! Ergh a dal bos war venedhyow.

A grey day! The sea was "glas" and the sky was "glas", but today the "glas" was more like grey rather than blue. The rain washed the colour out of the sky. It was too damp for my camera. I must use old photos. We didn't have any snow, but there was snow in Swindon. Our grandsons made a snowman in a park. "What are the eyes?" "Twigs." "What is the nose?" "A twig." "Isn't there a carrot for the nose?" "There's no carrot in a park." "What are the buttons?" "Twigs." "What are the arms?" "Twigs. There are twigs in the park." "It's melting now." There's not enough snow in this country for skiing, nor is there enough ice for skating. The children can't glide anywhere. Was the seventeenth century colder? These people are skating on a frozen moat or lake. L.S. Lowry painted snow in Manchester. That wasn't pretty! Snow should be on mountains.

Deg ger rag hedhyw: Ten words for today

a-der rather than

bòtonyow buttons < bòton (m)

caretesen (f) carrot

defra (SWF diwvregh) (dual plural) arms < bregh (f)

den ergh (m) snowman

dewlagas (dual plural) eyes

frigow nose dewfrik (dual plural) < frig (m) nostril

sethednow twigs < sethen (f)

skia to ski

skittra to skate

slynkya to glide, slide