2024 Day 213

2024 Dedh Dew Cans ha Terdhek

De Merher, üdnegves warn ügens mis Gorefen

Wednesday, 31st July

caletter jynn amontya!

E'n gwelha pres, hedna a veu cott termyn. My a drouvyas jynn amontya coth. Nag ewa pur dha, saw my ell y usya rag an termyn. Nag eus gerlever etto, rag hedna na ellama checkya ger nowydh veth. Res ew dhebm gwil gerlever nowydh et ow jynn amontya coth. Nag eus deg ger rag hedhyw, ha nag eus fotos nowydh veth.

computer problem!

Fortunately, that was short-term. I found an old computer. It's not very good, but I can use it for the moment. There's no dictionary in it, therefore I can't check a single new word. I must make a new dictionary in my old computer. There aren't ten words for today, and there are no new photos.

2024 Day 212

2024 Dedh Dew Cans ha Dewdhek

De Meurth, degves warn ügens mis Gorefen

Tuesday, 30th July

Nanj ew cans bledhen, Paris a veu ôst an Gwariow Olympyk 1924, wòja An Gwerryans Brâs. Gwary ew gwell avel gwerrya; plen an gwary ew gwell avel gwel battel (caslan) po corlan. Gero nei cuntel warbarth tüs yonk dhort oll an nacyons dadn üdn to, en tre ollvesek. Anjei oll alja bos cowethek. Hedna veu an tybyans, etho anjei a dherevas tre a bredn - lies crowjy rag an athletys ha'n coscor anjei. Na veu an dre yntendys dhe dhürya. Wòja an Gwariow an crowjiow a veu diswres. Ma'n keth cowethyans en 2024, bes an dre ew deffrans; derevys rag an termyn a vedn dos ew an dre.

A hundred years ago, Paris was the host of the 1924 Olympic Games, after The Great War. Playing is better than waging war; a playing place is better than a battlefield or cemetery. Let us gather together young people from all the nations under one roof, in a global village. They could all be sociable.  That was the idea, so they built a village of wood - many cabins for the athletes and their people. Very simple. The village was not intended to last. After the games the huts were demolished. There's the same friendship in 2024, but the village is different; the village is built for the future.

Deg ger rag hedhyw Ten words for today

An Gwerryans Brâs (m) The Great War

caslan (f) battlefield (cas = war, hate)  

corlan (f) cemetery, churchyard

coscor (col.) people, teams, etc.

cowethek sociable 

crowjy (m) hut, cabin, chalet > (pl.) crowjiow

gwary to play, act

gwerrya to wage war

plen an gwary (m) playing place, area for plays

tre ollvesek (f) global village

2024 Day 211

2024 Dedh Dew Cans hag Üdnek

De Lün, nawes warn ügens mis Gorefen

Monday, 29th July

En kesstrivyansow ma puppres gwaynyoryon (po gwaynyoresow) ha'n remenat, an r'erol. Herwedh ûsadow e vedh powas rag an campyer. E'n Gwariow Olympyk ma medal owr rag an campyer, ha ma medals arhans ha brons rag an nessa ha tryja plasow. An strivoryon ha strivoresow a sav war arethva rag receva aga medals. An medals Paris ew teg, ha ma temmik a'n Tour Eiffel ettans.  

In competitions there are always winners and the rest, the others. Usually there will be a prize for the champion. In the Olympic Games there is a gold medal for the champion, and there are silver and bronze medals for the second and third places. The successful competitors stand on a podium to receive their medals. The Paris medals are beautiful, and they have fragment of the Eiffel Tower in them.

Deg ger rag hedhyw Ten words for today

campyer (m) champion

gwaynyoryon winners < gwaynyer (m) > gwaynyores (f) > gwaynyoresow

herwedh ûsadow usually

kesstrivyansow ~ kesstrivow competitions < kesstrif (m)

plasow ~ plasyow places < plas (m)

powas (m) prize, award

puppres ~ prest always, ever

remenat (m) remainder, rest, leftovers, etc. 

sowyn successful

strivoryon competitors < strivor (m) > strivores (f) > strivoresow

2024 Day 210

2024 Dedh Dew Cans ha Deg

De Sül, ethves warn ügens mis Gorefen

Sunday, 28th July 

Ma pemp kelgh junyes e'n arwòdh Gwayans Olympyk, rag an pemp brâstir orijinal (e'n vledhen mil naw cans ha terdhek). An re na a veu Afryca, Europ, Asy, Oceania (Âwstralia ha Zelond Nowydh warbarth) hag America (Noor ha Soth avel üdn brâstir). An liwyow ew blou (e'n barh cledh), melyn, dû, gwer ha rüdh (e'n barh dyhow). An re ma ew liwyow kevys en baners an bes oll. An kelhow ew a'n keth mens, drefen nag ew üdn brâstir moy a bris avel an r'erol. Blou, dû ha rüdh ew ûhelha, melyn ha gwer ew iselha. Martesen whei a welas an pemp kelgh ow rolya en strêtys Paris a-hes. Fatel aljens gwaya? Era an re na gwariers cyrcus war dopp owth aga gwaya war droos?   

There are five joined rings in the Olympic Movement symbol, for the original five continents (in the year 1913). Those were Africa, Europe, Asia, Oceania (Australia and New Zealand together) and America (North and South as one continent). The colours are blue (on the left), yellow, black, green and red (on the right). These are colours found in all the flags of the world. The rings are the same size, because no single continent is more important than the others. Blue, black and red are higher, yellow and green are lower. Perhaps you saw the five rings rolling along the Paris streets. How could they move? Were those circus performers on the top, moving them on foot?

Deg ger rag hedhyw Ten words for today

a'n keth mens the same size

brâstir (m) continent (big land)

e'n barh cledh on the left (SWFM y'n barth kledh)

e'n barh dyhow on the right (SWFM y'n barth dyghow)

en strêtys a-hes along the streets

gwayans (m) movement < gwaya to move

iselha lower (SWFM isella)

kelhow (pl.) < kelgh (m) ring, hoop, circle (SWFM kylghyow < kylgh)

r'erol (pl.) others, other ones

ûhelha higher (SWFM ughella)

2024 Day 209

 2024 Dedh Dew Cans ha Naw

De Sadorn, seythves warn ügens mis Gorefen

Saturday, 27th July

An Gwariow Olympyk 2024 a dhallathas de, gen ceremony egeryans e'n strêtys Paris gleb, ha nebes sportys bian. Ma'n Gwariow ow trei warbarth athletys hag athletesow an norves  en kesstrif cowethek. Lavar an Gwariow en Latyn en kensa a veu "Citius, Altius, Fortius". Henn ew üskissa (po scaffa), ûhelha, creffa. Nanj ew teyr bledhen an Kessedhek Olympyk Keswlasek a addyas ger pelha - "Communiter", henn ew "warbarth".

The 2024 Olympic Games began yesterday, with an opening ceremony in the wet streets of Paris, and several minor sports. The Games bring together athletes of the world in friendly competition. The Games motto in Latin at first was "Citius, Altius, Fortius". That is "faster, higher, stronger". Three years ago the International Olympic Committee added an extra word - "Communiter", i.e. "together".

Deg ger rag hedhyw Ten words for today

cowethek friendly, sociable < coweth friend

creffa stronger < crev strong

egeryans (m) opening < egery to open

kessedhek (m) committee (sitting together)

kesstrif (m) competition (striving together)

keswlasek international (countries together)

scaffa faster, quicker < scav fast

sportys sports < sport (m)

strêtys streets < strêt (m)

üskissa faster < üskis

warbarth together

2024 Day 208

2024 Dedh Dew Cans hag Eth

De Gwener, wheffes warn ügens mis Gorefen

Friday, 26th July

Ma dhebm dilhas dres othom. Ma cledhrednow ha lies trog-tedna a hevejyow, powsyow, crysyow, cryspowsyow, gwlânegow, jerkyns, côtys hir ha berr, ow còrtos oll dhe vos ornys. Radn anodhans ew mens cabm. My a res kemeres lies anodhans dhe'n shoppa  alüsenek - ma lies anodhans. Na aljama bew hir lowr rag aga degy oll.

I have superfluous clothes. There are rails and many drawers of shirts, dresses, blouses, waistcoats, wooly jumpers, jerkins, long and short coats, all waiting to be sorted. Some of them are a wrong size. I must take many of them to a charity shop - there are many of them. I couldn't live long enough to wear them all!

Deg ger rag hedhyw Ten words for today

cledhrednow rails < cledhren (f)

crysyow blouses, shirts < crys (m)

cryspowsyow waistcoats, bodices < cryspows (f)

dres othom superfluous, beyond need

gwlânegow jumpers, etc. < gwlânek (m) < gwlân (col.) wool

hevejyow ~ hevisyow shirts < hevis (m)

mens (m) size, measurement

powsyow dresses, frocks < pows (f)

shoppa  alüsenek (m) charity shop

trog-tedna (m) drawer

2024 Day 207

2024  Dedh Dew Cans ha Seyth

De Yow, pempes warn ügens mis Gorefen

Thursday, 25th July

Da ew genam cawas gwel. Pandr'ello whei gweles der agas beistry? Der an veister e'n gegin (ha der an veister et ow sòdhva) pub dedh my a wel ke. Ma bonegow etto, heckamolas - gòlvadnas hag edhyn erel. Ma gwelva e'n lowarth ûhelha. Alena my ell gweles pelha avel oll an keow - dhe'n gwelyow po an mor. Nag eus lies chei dhe vos gwelys. Hedhyw nei a viras orth chei en Truru. Ma dhe hedna gwel a bastellow tir kevradnys ha'n cita. 

I like to have a view. What can you see from your windows? Through the window in the kitchen (and through the window in my office) every day I see a hedge. There are  little brown birds in it, dickybirds - sparrows and other birds. There's a viewpoint in the upper garden. From there I can see beyond all the hedges - to the fields or the sea. There aren't many houses to be seen. Today we looked at a house in Truro. That one has a view of allotments and the city.

Deg ger rag hedhyw Ten words for today

alena from there, from that place

beistry windows <beister(f) (SWFM fenester)

bonegow (pl.) < bodnek (m) any little, brown bird

der an veister through the window glow 

gòlvadnas (pl.) < gòlvan (m) sparrow

gwelva (f) viewpoint, viewing place

heckamola (f) dickybird

ke (m) hedge

kegin (f) kitchen (k>g after an the)

ûhelha upper, higher

2024 Day 206

2024 Dedh Dew Cans ha Whegh 

De Merher, pajwora warn ügens mis Gorefen

Wednesday, 24th July

Maynor estât a dheuth de ha kemeres nebes fotos a 'gan lowarth brâs. Ev a wra gwertha agan chei raga nei, ma esperans dhebm. Ma othom dhen a nebonan rych, pòrres y whans a jei coth gen lowarth brâs, üskis. Yahüs ew, ma ayr er lowr - oxyjen gwres gen gwedh plenteth. Nei a wel an gwelyow oll adro. (Anjei ell bos môwsek  üdn jedh a'n vledhen - spredya bousel!) E'n pelder ma'n clubb golf, ha'n mor. Avorow nei a vedn mos dhe'n cita dhe vires ort chei bian ha lowarth bian.

An estate agent came yesterday and took some photos of our large garden. He's going to sell our house for us, I hope. We need somebody rich, with an urgent desire for an old house with a large garden, quickly. It's healthy, there's enough fresh air - oxygen made by plenty of trees. We see the fields all around. (They can be smelly on one day of the year -muck spreading.) In the distance is the golf club. Tomorrow we will go to the city to look at a little house and a little garden.

Deg ger rag hedhyw Ten words for today

bos esperans dhe to hope, have hope

bos othom dhe (a) to need, have need (of)

bousel (col.) cow dung, "muck"

gwertha ~ gwerra to sell

maynor (e)stat (m) estate agent 

môwsek smelly, stinky

pòrres urgent

üskis quick, quickly, fast

whans (m) want, wish, desire

yahüs healthy

2024 Day 205

2024 Dedh Dew Cans ha Pemp

De Meurth, tryja warn ügens mis Gorefen

Tuesday, 23rd July

Whath thew an mor tewal, bes ma hòbadòlya a liwyow et ow lowarth. Na ellama henwel oll an plansow ha bleujow. Re venowgh nag o vy sür ha my a's cabm-henwel. My ell ajon an üdnek rosen rüdh. Nag ew agan gweras da genjy - e dal bos moy es üdn rosen. Ma liw rüdh ow tos en morednow, avalow, hag erel.

Still the sea is dark, but there is a riot of colours in my garden. I can't name all the plants and flowers. Too often I'm not sure and I misname them. I can recognize the single red rose. It doesn't like our soil - there should be more than one rose. There is red colour coming in berries, apples, etc.

Deg ger rag hedhyw Ten words for today

ajon to recognize (SWFM aswon)

cabm-henwel to misname

gweras (m) soil

hag erel and others, et cetera

henwel to name

hòbadòlya (m) riot, uproar, commotion, etc.

menowgh often > re venowgh too often

morednow berries < moren (f) < col. mor

sür sure

tewal dark, blackish

üdnek single

2024 Day 204

2024 Dedh Dew Cans ha Pajar

De Lün, nessa warn ügens mis Gorefen

Monday, 22nd July

Comolek ew hei hedhyw. Thew an ebòrn gorherys. Disliw ew an ebòrn ha'n mor, maga loos avel lüjiw. Hav a dal bos leun a liw. E'n gwelha pres, ma flourys spladn et agan lowarthow ha'n keow. Nag eus lagas e'n ebòrn bes ma lagas codhys et ow lowarth. Da ew genam ow bush hydrangea brâs - my a'n gònas dhort trogh bian (nanj ew nebes bledhydnyow). My a res kemeres trogh nowydh rag chei nowydh. Ma Montbretia (Whednen Kernow) ow tevy avel whenn heb gweres.  

It's cloudy today. The sky is overcast. The sky and the sea are faded, as grey as ashes. Summer should be colourful. Fortunately, there are bright flowers in our gardens and the hedges. There's no patch of blue in the sky but a patch of blue sky has fallen in my garden. I like my big hydrangea bush - I grew it from a little cutting (several years ago). I must take a new cutting for a new house. Montbretia (the Cornish Weed) grows as weeds without help. 

Deg ger rag hedhyw Ten words for today

comolek cloudy, overcast (SWFM komolek)

disliw faded, pale, dull, drab

e'n gwelha pres fortunately

gorherys covered, overcast

lagas (m) patch of blue sky (lit. eye)

leun a liw colourful, full of colour

lowarthow gardens < lowarth ~ lowarh (m)

lüjiw (col.) ashes (SWFM lusu)

trogh (m) cutting, slice < (vb.) trehy to cut

whednen (f) weed (SWFM hwennen) < whenn (col.)

2024 Day 203

2024 Dedh Dew Cans ha Trei

De Sül, kensa warn ügens mis Gorefen

Sunday, 21st July

A veu whei genys en hav, e'n mis ma? My a veu genys en gwav, en termyn bell (Nessa Bresel an Norves). Pub bledhen ma genam pedn bloodh en kewer dhrog. Arwòdh an Zodiak vy a dal bos puskes rewys!  Martesen ma dhewgh pedn bloodh en kewer deg. Ma sin An Crang (po An Canker) ow tiwedha  hedhyw ha ma sin An Lew ow tallath avorow. Trovadnek lowr! Saw nag ew hei teg hedhyw - loos ew an ebòrn ha'n mor kekeffres. An cloudys ew a-ûgh an jynn ebòrn bian. Nag ew an fotos pur dha!

Were you born in summer, in this month? I was born in winter, in wartime (Second World War). Every year I have a birthday in bad weather. My Zodiac sign should be frozen fish! Perhaps you have a birthday in beautiful weather. Cancer (the sign of the crab) ends today, and Leo (the sign of the lion) begins tomorrow. Quite tropical! But it's not beautiful today - the sky is grey and so (likewise) is the sea. The clouds are above the little aeroplane. (The photos aren't very good!)

Deg ger rag hedhyw Ten words for today

An Crang ~ An Canker The Crab, Cancer 

An Lew The Lion, Leo

bell (m) war (can also use cas)

Bresel an Norves/Bes World War 

dallath ~ dalla to begin, start

diwedha to finish, end

kekeffres likewise, also

pedn bloodh birthday, anniversary

Puskes Pisces (previous RLC Puscaz)

rewys frozen

2024 Day 202

2024 Dedh Dew Cans ha Dew

De Sadorn, ügensves mis Gorefen

Saturday, 20th July

Lôwen o vy hedhyw. Bern brâs a hôrn coth rag dasûsya  ew gellys. Whath ma meur a whel dhe wil rag orna ha glanhe an lowarth. Kernow ew drog gerys rag kewer lawek. An ayr ogas dhe'n mor ell bos holanek lowr ewedh, rag hedna hôrn ell gosseny en üskis. Trampolin agan flehes wydn a dreylyas gossednek ha nag o va saw na velha. Res veu dhe'n slynk y din coth mos ewedh. Den wheg, Dan Hall a Redrüdh, a dheuth gen vann gwydn ha kemeres an taclow dhe ves.  

I'm happy today. A big heap of scrap iron for recycling is gone. There's still a lot of work to do to organise and clean up the garden. Cornwall is notorious for rainy weather. The air near the sea can be quite salty too, therefore iron can rust quickly. Our grandchildren's trampoline became rusty and it wasn't safe any more. The old slide had to go too. A nice man, Dan Hall of Redruth, came with a white van and took the things away.

Deg ger rag hedhyw Ten words for today

bern (m) heap, pile

dasûsya to recycle

drog-gerys notorious, infamous (opposite of gerys-da well spoken of)

glanhe to clean

glawek rainy > (gl >l after f. noun)

gossednek rusty < gosseny to rust

holanek salty, saline

hôrn coth (m) old iron, scrap iron

kewer (f) weather

orna to organise, tidy

2024 Day 201

2024 Dedh Dew Cans ha Wonan

De Gwener, nawnjegves mis Gorefen

Friday, 19th July

Bew o vy, saw nag o vy bewek! Nag oma lies tra e via da genam bos. My vedn rei rôl dhewgh e'n deg ger rag hedhyw. Ha lebmyn da via genam còsca. 

I'm alive, but I am not lively! I'm not a lot of things I'd like to be. I will give you a list in the ten words for today. And now I'd like to sleep.

Deg ger rag hedhyw Ten words for today

bewek lively < bew alive

dynamyk dynamic

heb galar without pain

hirra taller < hir tall  

le còtt ow cov less forgetful

nerthek energetic < nerth energy

pur godnyk very clever < codnyk

rôl (f) list

üskis speedy, fast, quick

yonca younger

2024 Day 200

2024 Dedh Dew Cans

De Yow, etegves mis Gorefen

Thursday, 18th July

Na veu an Kerner, George Fox, genys en Kernow, etho nag o va Kernow. Ev a veu genys e'n seytegves cansbledhen. Diw gansbledhen wòja hedna thera teylû Fox, heb colm gooj yntredhans, Kernôwyon ha Kernôwesow, Kernoryon ha Kernoresow oll, trigys en Falmeth (ke, dres lycklod, nag o anjei Kernôwegoryon). Teylû awedhyansüs o anjei, gen part meur e'n displegyans a Falmeth. Na wrüg Kernoryon mos dhe ûniversita, na venja anjei besca tei lowta dhe Eglos Pow an Sowson. Bettegens, pur gudnik ha sowyn o teylû Fox.  Maynoryon gorholyon marchant o anjei ha wrüg treylya rych. Porth vesy o Falmeth. Anjei a fondyas Teudhla Perran en Peran Arwodhel dhe wil daffar balweyth. (Lebmyn, treylys ewa dhe anedhow wheg.) 

The Quaker, George Fox, was not born in Cornwall, so he was not a Cornishman. He was born in the seventeenth century. Two centuries after that there was a Fox family, unrelated, Cornish men and women, all Quakers, living in Falmouth (though they probably were not Cornish speakers). They were an influential family, with a major part in the development of Falmouth. Quakers did not go to university, they would never swear loyalty to the Church of England. However the Fox family were very clever and successful. They were merchant shipping brokers and became rich. Falmouth was a busy port. They established the Perran Foundry in Perranarworthal to make mining equipment. (Now it is converted into nice dwellings.)

Deg ger rag hedhyw Ten words for today

awedhyansüs influential

bettegens however

displegyans (m) development

Eglos Pow an Sowson the Church of England

heb colm gooj yntredhans unrelated, no blood tie

Kernôwegoryon Cornish speakers

lowta (m) loyalty

maynoryon brokers < mayner (m)

sowyn successful

tei to swear (oath, etc.)